Cailaco – Ohin nu’udar komunidade ne’ebé foti Beata Maria Romero nu’udar protetora uma nian selebra ho ksolok no simples loron furak ne’e. Selebrasaun Eukaristika laiha partisipasaun husi sarani sira. Iha omilia Pe. Nelson SDB enkoraja komunidade atu kontinua misaun ho aten-brani no sakrifísiu iha ema kiak no situasaun difisil nia laran, hanesan pandemia covid-19 ne’e. Irmán sira komunidade hamutuk na’in lima no iha fulan kotuk sira kona moras covid-19 no tenke sai husi Cailaco no halo kuarantena no halo tratamentu iha Dili.
Hodi halo espesiál festa ne’e loron ida antes komunidade ba vizita kiak sira hodi hanoin fali B. Romero nia asaun karidade nian. Defaktu Madre Maria Romero mak FMA laran-manas ba ema kiak sira no envolve foin-sa’e sira, benfeitór/a sira iha ninia obra ba kiak sira ba sira-nia di’ak materiál no espirituál. Ba Beata Maria Romero, iha kiak sira mak nia hasoru Jezús!
Beata Maria Romero harohan mai ami no Boa festa ba ita hotu.
Kom.B.Maria Romero – Cailaco
