Laga – Iha loron 26 Janeiru 2022, komunidade Beata Laura Vicunha Laga,simu vizita espesiál husi Madre Inspetora, Madre Alma Castagna, FMA, vizita nee hanaran vizita kanónika, la hanesan vizita babain, ho objetivu Madre mai atu hare realidade moris Irmán sira nian no mós labarik sira nian. Vizita nee hahu ho orasaun simples ne’ebé Madre rasik mak prepara, hafoin kontinua kedas introdusaun vizita nian.
Hafoin enkontru ho Irmán sira, labarik sira no mós ADMA sira parókia Laga nian, Madre mós ba vizita eskola SD no fo bondia ba SMP sira. Ba Irmán sira Madre ko’alia kona-ba, Oinsa moris iha komunidade ida ne’ebé sinodal iha estilu Saun Fransisco de Sales nian, katak ho laran midar iha misaun sira, no Madre prepara lectio ne’ebé Irmán sira reflete hodi fahe kona-ba attitude sira ne’ebé presiza atu haburas liu tan komunidade ida ne’ebé sinodal.
Ba labarik sira Madre hatudu filme furak ne’ebé sira gosta, depois Madre husu perguntas ruma ba sira, ne’ebé refere ba filme. Ba ADMA sira Madre koalia kona-ba Maria ninia attitude nudar inan iha Cana Galieia nian, liuliu Ninia konfiansa ba Ninia Oan Mane, Maria ninia presenza ne’ebé tulun iha ema seluk nia nesesidade, Inan ne’ebé matan moris iha umanidade sira nia presiza, Madre konvida ADMA sira atu sai Maria iha umanidade ohin nian no sai tulun nain hanesan Maria iha família no iha sosiedade.
Iha loron 3 Marsu 2022 mak loron ikus Madre nia vizita, iha Komunidade refere, vizita nee taka ho Eukaristia Santa ne’ebé diriji husi Padre Victor da Cunha SDB, hafoin misa remata kontinua ho tersu agradesimentu nian ne’ebé dedika espesiál ba Madre ninia intensan sira. Depozde rozáriu, Irmán no labarik sira, espressa sira nia sentidu gratidaun nia liu husi múzika no dansa simples ruma. Hamutuk ho Maria ami agradese ba Ita nia presenza iha ami nia leet Madre Alma doben.
Agostinha Magno FMA
