Baucau – Ohin loron 26-4-2022 Instituto Filhas de Maria Auxiliadora iha mundu tomak selebra festa agradesementu ba madre Jeral, madre Chiara Cazzuola nu’udar inan no tali komuñaun no sentru unidade iha Instituto. Tempu hanesan ohin mos selebra tinan 150 ita nia fundasaun Instituto nian iha ne’ebé DB hahu harii ho foinsa’e feto lubuk ida ne’ebé ida mak Madre Mazzarello ne’ebé sai mós kofundadora iha vokasaun konsagrada Salesiana.
Nune’e ami komunidade Teresa d’Avila, Baucau selebra mós festa ne’e hodi hahu ho Santa misa Eukaristia ne’ebé preside husi padre Agnelo, SDB iha nia homilia haktuir katak madre Chiara mak sai MM nia susesor ne’ebé lori espiritu Salesiana nian kontinua daet ba mundu. Iha pasajen leitura ne’ebé dehan “Fuan ida no Neon ida” mak hatudu ita nia komuñaun iha moris hamutuk ho espiritu ida ne’ebé share ba malu liu husi moris, talentus, ksolok no orasaun iha komunidade. Nu’udar Salesiana mos ita serbisu ba foinsa’e sira ho espiritualidade ida ne’ebé úniku. Ho festa ne’e mos fo hanoin fali ba ami FMA ida-idak atu konxiente liu tan ba ami nia istoria Intituto nian no ami nia vokasaun no moris nu’udar FMA atu sai inan, bin, belun no edukadora ba foinsa’e sira ne’ebé ami hasoru iha misaun.
(Onesiana FMA)
