Venilale, 17 Jullu 2022
Venilale – Ho ksolok no fuan oratorianu nian, iha Domingo ida ne’e oratorio sira husi centro 4; Lia-Oli, Uai-Bua, Uai-Haco no centro São Domingos Savio/Orfanato halibur hamutuk iha Orfanato hodi halao atividade 2: Formasaun kona ba Madre Mazzarello no Merkadu baratu ba oratorianu sira.
Wainhira remata tiha misa labarik oratorianu sira halibur hamutuk atu hahu formasaun kona ba Madre Mazzarello. Prosessu ba formasaun ida ne’e mak tuir mai : Orasaun hamutuk no fahe oratorianu sira ba grupo 6 tuir fatin moris Main nian
- Mazzarelli
- Parokia
- Valponasca
- Colegio
- Roverno
- Nizza Monferrato
Halo prosisaun ba ida-idak nia grupo, iha ne’eba mak haklean kona ba Main nia moris tuir fatin ne’ebé sira hola parte.
Depois de haklean tiha iha fatin ida-idak kada grupo mai aprezenta iha Assembleia saida mak sira aprende husi Main liu-liu Ninia virtude sira sira ne’ebé atrae sira atu moris nu’udar oratorianu diak iha sira nia moris.
Empenu husi Fatin idak-idak
- Mazzarelli : Husi fatin ne’ebé Main moris ami aprende kona ba :
- Sai Sinal dame iha familia laran
- Servisu uma nian
- Valor orasaun nian
- Parokia : Grupo parokia ami nia empenu mak :
Hakas-an atu ba misa iha loron Domingo
- Hakas-an dekor orasaun sarani nian
- eza tersu hamutuk iha familia
- Respeita fatin santo Uma Kreda no fatin Santo sira nian
- Valponasca :
Hadomi no tau matan ba Maromak nia Kriasaun sira ( fatin ne’ebe ita hela ba no ai-horis sira)
Atividade hotu ne’ebé ami tuir nafatin buka Maromak nia hakarak
- Colegio :
- Aprende atu reza ho diak
- Halo karidade ba ema ne’ebé presiza tulun
- Roverno :
Maski servisu makas maibe haksolok nafatin
Aprende tau matan ba malu
- Sakrifisiu
- Nizza Monferrato :
- Laran luak
- Pasiensia
- Domin ba Nain Feto liu husi reza Terso.
Remata tiha formasaun kona ba Madre Mazzarello oratorianu sira ho ksolok bo’ot ba sosa sasan tuir sira nia osan/karsis ne’eb sira iha. Merkadu baratu ida ne’e nia objetivo atu valoriza labarik hirak ne’ebé badinas no fiel nafatin mai oratorio. Labarik sira simu ho ksolok sasan sira ne’ebé animador sira prepara no fo ba sira.
(Domingas FMA)
