Dili-Comoro 23/7/2022
Nu’udar Monumentu Moris Agradesimentu nian, Don Bosco asegura Madre sira iha Nizza Monferato, nia dehan: Maria Lao iha uma ida ne’e no nia taka imi ho nia manta.
Lia fuan ida ne’e to’o ohin loron kontinua nafatin presente. Tamba prezensa Nain Feto nian kontinua nafatin ativa iha Institutu FMA ne’ebé tinan ida ne’e selebra tinan 1500 anos, no liu husi ita ida-idak nian moris, ninia tulun nu’udar edukadora ne’ebé ho domin boot la’o ho ita no hatudu domin ba ita liu husi Madre no professores sira ne’ebé loro-loron buka halo di’ak no prontu nafatin fo tulun liu husi sira nia akompañamentu, esperiensia no matenek hotu ne’ebé sira iha.
Komunidade Beata Eusebia Palomino Selebra Festa agradesimentu nian hamutuk ho alunus, Professores, kolaboradór/a sira no Irmán sira. Iha festa gratidaun ida ne’e selebra ho nia objetivu agradese ba di’ak no ksolok hotu ne’ebé simu no fahe hamutuk durante prosesu 
aprendizajen nian. Iha momentu ida ne’e mós la haluha agradese ba Madre Jacinta Gusmão, nu’udar inan no Biin ne’ebé gia no tulun hotu hodi kolabora iha Nain nia misaun ne’ebé Nai entrega iha Komunidade ida ne’e.
Iha Santa misa ida ne’e preside husi Padre Agostinho SDB, iha nia homilia hato’o katak du’ut aat presiza nafatin fokit no soe ba ahi signifika katak hahalok ne’ebé ladi’ak buka atu haka’as-an atu hasai husi ita nia moris. Nune’e ita la haree Jezús direitamente maibé uluk nanin ita haree Jezús liu husi ita nia Família, Belun ne’ebé iha ita nia sorin, Professores no Madre sira. Nune’e Padre mós haforsa liu tan du’ut aat no di’ak sempre moris hamutuk maibé to’o nia tempu sei haketak signifika katak refere ba moris ita la moris mesak maibé sempre moris hamutuk hodi destingi kona ba vertude sira iha ita nia moris.
Prezensa Nain Feto ne’ebé ativa mak ksolok ne’ebé fahe hamutuk iha loron ida mak hanesan: teatru, kanta, Dansa no Poezia ne’ebé anima husi grupo Asosiasaun ida-idak no Irmán sira ne’ebé espresa gratidaun nian ba Maromak liu husi atividades hirak ne’e. Agradese ba domin hotu.
(Sidonia Paula Freitas FMA)
