Quelicai,30-03-2023
Agostinha Magno FMA
Quelicai, loron Quinta feira, iha dadersaan mais ou menus tuku 9:30, Padre. Justiniano Sousa SDB, hamutuk ho Irman FMA nain rua (Ir. Santina & Ir. Agostinha) aranka husi komunidade SDB Quelicai ba area estasaun Saun Juaun Bosco Macalaco hodi prepara sarani sira ba festa Páskua ka hala’o retiro. Iha biban ne’e Ministro Estraorxinario iha estasaun refere, agradese tebes ba irman Saleziana sira nia prezensa tanba pela primeira vez irman sira mai fo retiro iha estasaun ne’e.
Tema ba retiro mak: Haklean Amo Papa Franscisco ninia mensajen ba sarani iha tempu Quaresma iha tinan ida ne’e. ( Na’i hakarak ita la’o ho Nia ba foho Tabor iha neba Nia hatudu Ninia Gloria), ida ne’e mak objectivu ba ita nia preparasaun ba festa pascoa. Remata retiro taka ho misa nebe celebra husi padre Justiniano SDB. Depois de misa Ministro Extraordinario hatutan tan katak: ami sente kontenti teb-tebes iha retiro ida ohin ne’e, tanba tinan- tinan leigo sira mak fo maibe agora ne’e madre Saleziana sira komesa ona mai iha ami nia estasaun nunee hein katak aban bairua madre Saleziana sira kontinua mai iha ami nia estasaun hodi hala’o retiro iha ne’e.
