Misa agradesimentu Pe. Armindo Brito, Padre Pároku Ainaro, iha Estasaun Cassa
Domingas da Silva FMA
Cassa, 04 de Junho 2023
Iha Solenidaade Santíssima Trindade nian sarani sira iha Cassa, selebra Festa ida ne’e ho ksolok bo’ot tanba Maromak Santíssima Trindade mak mistériu bo’ot liu iha ita nia fiar. Tempu hanesan sarani sira hato’o sira nia agradesimentu ba Pe. Armindo Brito ne’ebé durante tinan hitu nia laran dedika nia moris Saserdósiu nian hodi serbí sarani sira iha Parókia Ainaro inklui Cassa. Agradese ba Padre nia prezensa, domin, laran luak, sakrifísiu nu’udar bibi-atan di’ak ba sira nia klamar no mós fo an ba servisu edukasaun labarik no foin-sa’e sira nian iha Cassa. Depois de misa serimónia agradesimentu kontinua hodi tara tais ba Padre, almosu hamutuk no hatudu atraksi gratidaun nian husi oratorianu sira.
Lia menon husi padre Armindo Brito: “Moris nu’udar amululik mak atu halo tuir nafatin Maromak nia hakarak” Nia haruka hau mai atu haklaken Nia Liafuan liu husi administra sakramentu sira no mós halo servisu seluk ne’ebé hau halo tuir kapasidade ne’ebé iha durante hau nia mandatu hamutuk ho imi. Ha u husu imi (sarani) ida-idak atu moris tuir ho loos grasa ne’ebé Maromak fó ona no hakas-an atu fo fuan liu husi imi nia sasin moris fiar nian.
Obrigada, Grazie, terimah kasih, thank you!
Boa misaun ba kna’ar foun, padre Armindo!
