Formasaun husi SEFOPE ba CFSC, Balide
A. Gabriel
Balide, loron 13 Fulan Jullu, CFSC (Centro Formação Secretariado e Computador), simu vizita husi reprezentante SEFOPE nian, ne’ebé mai aprezenta kona ba programa foun ne’ebé sira iha ba formandu/a sira iha Centro refere.
Iha formasaun ne’e sira aprezenta kona ba SEFOPE nia kna’ar liuliu iha parte Direção Nacional Emprego (DNE), ne’ebé sai mediador ba foinsa’e no ema hotu ne’ebé hakarak atu hetan servisu, esplika mós kona ba dokumentu no kritériu saida de’it mak presiza wainhira atu ba servisu iha rai liur no importansia abilidade ne’ebé sira iha wainhira tun ba kampu servisu nian, katak la’os deit matenek intelektual maibé presiza mós komportamentu pesoal ne’ebé diak.
Ho SEFOPE nia vizita ohin tulun formandu/a sira iha CFSC-Balide hodi prepara-an diak liután ba estajiu ne’ebé sei realiza iha fulan oin no oportunidade seluk ne’ebé sei mai iha Futuru.
