9 Setembru
Santa María de la Antigua Padroeira Panamá nian
Ilas Santíssima Virjen Maria ne’e uluk tau iha kapela laterál ida iha Katedrál Sevilla-España nian. Katedrál ne’e harii hikas iha sékulu XIV, maibé konserva de’it mak didin ne’ebé iha ilas Na’i-Feto, no hanaran “Santa María de la Antigua”.
Atu fó onra ba títulu ne’e Enciso no Balboa funda iha 1510 sidade Santa María de la Antigua iha Darién, hodi kumpre promesa ida basá sira manán funu ho rai-na’in sira iha parte Panamá nian, no dedika ba “Santa María La Antigua: uma husi Xefe Cémaco; ne’e mak kapela dahuluk dedika ba Virjen Maria Tierra Firme.
Sidade la Santa María de la Antigua mak sede ba Dioseze dahuluk iha Tierra Firme ne’ebé Papa Leão X mak kria ho bula 9 Setembru 1513. Iha 1524 Bispu daruak Frei Vicente Peraza muda sede Dioseze nian ba sidade foun ne’ebé foin harii Panamá nian.
Sidade ne’e hetan sunu iha 1671 na harii hikas iha Ancón iha 1673. Padroeira ba Katedrál no Dioseze Panamá nian mak Santa María La Antigua husi kedas 1513.
Proklamasaun nu’udar padroeira Panamá nian
Iha Setembru 2000, Tinan Santu Jubilár, Konferénsia Episkopál Panamá nian proklama ofisialmente Santa María La Antigua nu’udar Padreoira República de Panamá.
Iha 27 Fevereiru 2001, Kongregasaun ba Kultu Divino no Dixiplina Sakramentu sira-nian, konfirma Santa María La Antigua nu’udar Padroeira iha Maromak nia oin ba República de Panamá, ho direitu no priviléjiu litúrjiku hotu ne’ebé direitu kanóniku hatudu.
Nia Festa Solene selebra iha 9 Setembru. Data 9 Setmebru mak data istóriku ida. Iha 9 Setembru 1513 Papa Leão X liuhusi Bula “Pastoralis Officii Debitum” kria Dioseze Santa María La Antigua no foti Kapela ne’ebé iha ilas ne’e ba grau Katedrál nian no foti Maromak nia Inan ho títulu ne’e nu’udar padroeira ba nafatin Dioseze nian.
