10 Setembru
NA’I-FETO MORIS NIAN
Ilas “Madonna della Vita” (Holy Mary of Life; Na’i-Feto Moris nian), atribui ba Simone dei Crocifissi (1355 – 1399) nia obra, ka ba nia sobriñu Lippo di Dalmasio. Tuir tradisaun ilas Na’i-Feto ho Kosok-Oan ne’ebé pinta nu’udar afresku iha muru, iha Kreda ida ne’ebé Compagnia Santa Maria della Vita (Kompañia Santa Maria Moris nian) haruka harii iha 1286. Ho rekonstrusaun 1502, tanba la fó interese partikulár ba afresku ne’e, sira taka tiha ho jesu.
Iha 10 Setembru 1614 mak deskobre hikas dali imajen antiga ne’e, sei iha estadu di’ak konservasaun nian. tanba konsidera milagroza, nia sai objetu venerasaun nian husi Konfraria, ne’ebé foti nu’udar protetora ba ospitál ba moras sira, iha kedas nia sorin.
Iha 1617, tau fali imajen iha altár foun, no pintór Ludovico Carracci halo dezeñu nu’udar omenajen votivu atu tau iha faxada afresku nian. Bainhira kreda monu iha 1686, afresku la estraga, no hasai tiha durante rekonstrusaun igreja nian, no bainhira remata, sira tau fali iha nia fatin.
Iha 10 Setembru, memória redeskoberta “Madonna della Vita”, mak selebra festa tradisioná Santuáriu nian. Devosaun ba S. Maria della Vita habelar liu iha Emilia no mós iha Piemonte: iha Mozio di Crodo (Novara) harii mós santuáriu ida.
Iha santuáriu laran iha mós grupu eskultura kona-ba Virjen Maria nia Tránzitu (hasa’e ba lalehan) husi Alfonso Lombardi no Tanis ba Kristu mate husi Niccolò dell’Arca.
