Roma – Foin-sa’e sira mak “Rai Lulik” FMA sira-nian, nune’e importante rona sira, atu hamutuk komprende sá de’it estrada atu evanjeliza hamutuk, atu sai ‘uma ne’ebé evanjeliza’.
Madre Yvonne iha ninia liafuan boas-vindas nian konfesa ba foin-sa’e sira: “Imi sai sentru ami-nia atensaun, bainhira ami hili tema Kapítulu Jerál, ‘sai ho foin-sa’e sira uma ne’ebé evanjeliza’, tanba ne’e ami labele la konvida imi mai iha ne’e”. Kapítulu Jerál sai uma boot ba beibeik ho prezensa la’ós de’it leigu sira nian, maibé mós, foin-sa’e nain ruanulu-resin-rua husi Nasaun sira Europa nian, maibé reprezenta mós Nasaun seluk mundu salezianu nian.
Depoizde aprezenta ba joven sira buat ne’ebé Kapitulár sira halo horisehik ho fraze badak “FMA no leigu apaixonadu ba karizma” , momentu importante liu tuirmai mak rona foin-sa’e sira ne’ebé propoin sira-nia reflesaun ba pergunta haat “Strumento di Lavoro” nian: Oinsá haklaken Jezús iha mundu ne’ebé muda, ba jerasaun ida ne’ebé muda? Sá loos vizaun foun komunidade nian ho foin-sa’e sira atu sai Profesia relijioza ida-ne’ebé loos ? Oinsá tau an iha kultura komunikasaun nian?
Kristina Krasna (Slovenia); Rebecca Hargreaves (England); Aurélie Couterier (Francia); Adele Collins (England); Júlia Cizmarova (Slovacchia) husi Konferénsia Inter-inspetoriál CIEM esprime katak atu haklaken Jezús iha mundu ne’ebé muda halo liuliu ho moris no liuhusi liafuan. Liuhusi ita-nia sasin moris nian mak Maromak sai asesivel ba joven sira.
Foin-sa’e sira husi Konferénsia inter-inspetoriál CII (Italia-grupu 1), Cecilia Boatto, Mattia Castlucci, Fabio Massaiaolo, Stefano Caparrota, Chiara Turinetto, Daniele Maghenzani fó sai katak atu “sai uma ohin ho foin-sa’e sira”, husu “pastorál ida intelijénsia nian” ne’ebé foti ho seriedade joven sira nia pergunta ezistensiál atu tulun sira hetan resposta sarani válidu, to’o hetan resposta desiziva, katak Kristu. Sira evidénsia katak uma ne’ebé evanjeliza tenke harii ho ai-riin haat” akollimentu, maternidade, sasin no orasaun.
Ba pergunta “Sá loos vizaun foun komunidade nian ho foin-sa’e sira?”, Ángel Onsurbe Toboso, Elena Jareño Cobo, Vanalón García, Salomé Sofia Oliveira dos Santos joven sira husi Konferénsia Inter-inspetoriál España no Portugal propoin komunidade ida ho odamatan nakloke ba foin-sa’e sira, halo sira sente parte família nian, ho espasu ba diálogu, hakat liu rasa, kultura no ideolojia hodi moris ukun-fuan domin no iha espíritu família nian hodi la distinge rasa, fiar no etnia; komunidade ida ne’ebé hala’o akompañamentu espirituál, hatudu Maromak iha sira-nia moris; komunidade ida hamutk ho joven sira moris fiar no halo joven sira sai evanjelizadora ba foin-sa’e sira seluk. Linguajen ne’ebé utiliza tenke linguajen joven sira-nian no ohin, iha linguajen foun iha era dijitál. Se Don Bosco moris ohin nia sei aproveita meiu hotu evanjelizasaun nian.
Federica Gualdaroni (Auxilium), Stefania Gagliano, Eugenio Bognanni, Daniela Tognoni, Teresa Chiessi, no Mariachiara Vaccarella husi CII-Itália (grupu 2), hatán ba pergunta “oinsá situa an iha kultura komunikasaun nian?” hodi husu FMA sira atu hahú husi mundu komunikasaun nian, ida virtuál mós. “Ema ne’ebé morismho foin-sa’e sira no ba foin-sa’e sira tenke iha familiaridade ho linguajen foun media nian, atu bele aproveita ninia potensialidade pozitiva no tau iha roman ninia aspetu krítiku sira”.Sira husu atu adultu sira aprende linguajen ne’ebé juventude ohin nian komprende “atu komunika ho liafuan no fó sasin ho moris Liafoun Di’ak Maromak nian”.
Iha parte loraik FMA, leigu/a no foin-sa’e sira ba iha grupu tuir lian (lian 5) atu hatán ba pergunta: “Atu sai uma ne’ebé evanjeliza, ho foin-sa’e sira, nu’uda komunidade edukativa mudansa sá de’it mak tenke atua, ho modu partikulár iha relasaun sira, hilin prioritáriu misionariedade ne’ebé tenke halo no periferia ida-ne’eb’e tenke bá? Hafoin iha asembleia grupu tau hamutuk sira-nia resposta sira hodi hariku liután partilla.
Iha kalan, iha auditorium Casa Generalizia nian, foin-sa’e sira husi Livorno aprezenta musical ida ho títulu “Sei con noi” (Ó hamutuk ho ami) kona-ba Madre Mazzarello.
