S. Natál 2018
Na’i, haraik ksolok no laran metin ba sira ne’ebé fiar tuir Ita domin. (Husi Colecta 24 Dezembru nian)
Ho fuan tomak, ha’u hato’o ha’u-nia BOAS FESTAS do NATAL no BOAS ENTRADAS
Irmán doben sira,
molok loron Natál ha’u hakarak haruka fali ha’u-nia PARABENS ba loron ne’ebé espesiál liu ba ita hotu.
Tinan tinan, iha kalan Natál, ita rona Evanjellu hanesan, Liafoun hanesan nafatin, maibé ita la kole, tanba ita rona, la’ós de’it buat ne’ebé “hakerek”, maibé ita “rona” hamutuk ita-nia moris, ho eventu ne’ebé mosu tinan tinan, ho ksolok no terus ne’ebé sira lori.
Bainhira ita hanoin ba profésia Antigu Testamentu nian, liuliu Profeta Isaias ne’ebé haklaken Kosok Oan ne’e nu’udar Liurai Damen nian, Kbiit Na’in, ita bele hakfodak hodi rona Evanjellu Lukas nian, iha ne’ebé Kosok Oan moris iha pobreza, dook husi fatin importante sira. Se ita hanoin didi’ak, iha kontradisaun entre buat ne’ebé Maromak promete ho profeta sira, no buat ne’ebé hala’o iha Jezús nia moris. Iha ita-nia moris mós, ita bele hetan kontradisaun barak entre buat ne’ebé ita mehi, hakarak, hein no buat ne’ebé ita halo no ko’alia.
Jezús mai no asume buat hotu ne’e, nia hakarak tama duni iha ita-nia moris ho ninia kontradisaun: ita agradese Nia tanba nia domin la hakfodak ho ita-nia frakeza no ita simu Nia hodi hatene katak, husi momentu ne’ebé Nia moris iha Belém, ita bele hasoru Nia no rekoñese Nia iha ema hotu ne’ebé ita hasoru loron-loron.
Ha’u aproveita atu husu orasaun ba komunidade Palla nian, ne’ebé husi 22 to’o 29 dezembru simu iha sira-nia parokia labarik sira SEKAMI (Infansia Misionaria) nian ne’ebé mai husi Diozese 6 Indonesia nian no sei halo Natál iha stasi sira hamutuk ho povu.
Boas festas ba imi hotu
Sr. Alma
