Fatumaka – Loron daruak forum nasionál MJS hahú ho Santa Missa prezide husi Reitór komunidade Fatumaka, Pe. David Savio. “MJS ne’e la’ós singkatan “mencari jodoh sementara” maibé fatin ne’ebé ema bele hari’i amizade loos ho maluk sira no Jezús, Pe. David realsa. Nia mós dehan ohin loron imi hakle’an ezortasaun Christus Vivit ne’ebé tulun foin-sa’e sira atu haree ba Kristu nu’udar foin-sa’e ida ne’ebé hala’o ninia misaun tuir Aman nia planu.
Depoizde matabixu ami hahú kedas ho akampamentu iha ida-idak ninia fatin tuir Kapítulu Christus Vivit ne’ebé fahe ona ba komunidade no zona. Foin-sa’e sira haksolok ho modalidade foun ida ne’e hodi prepara ho kriatividade tomak sira-nia aprezentasaun. Depoizde akampamentu foin-sa’e sira halo sira nia kompromisau ho asaun konkreta nu’udar foin-sa’e ba tinan ida. Iha loraik halo esperiénsia ba asaun karidade tuir apelu Amu-Papa Francisco “Atu sensivel ba ema kiak no ema ne’ebé presiza ita-nia tulun”.
Loron daruak nian taka ho “Living Rosary”.
(Afonso Ximenes)
