Dili – Laiha ema ida ne’ebé hatene Maromak nia hanoin no buat ne’ebé Nia planu, maibe husi ita nia parte mak fiar no iha esperansa katak Nia prepara ona planu ida ne’ebé furak liu mai ita ida-idak. Iha Kuarta-feira, 18-09-2019 tuku 20.00 OTL, iha Komunidade Saun Jose Novisiado, Irmã sira hamutuk ho novisa nain 4, agradese no despede Irmán Ana Manuela ne’ebé simu ona obediénsia no aban sei hala’o viajem ba iha Komunidade Bondokodi-Sumba.
Hanesan tradisaun Salesiana nian, agradesimentu sira nafatin espresa ho modun oioin. Tan ne’e, husi dadeer kedas ho orasaun dadeer nian no Missa tan intensaun partikulár ba Ir Ana Manuela, iha loron tomak mal loron gratidaun nian, nune’e liu husi knaar sira loron tomak nian ne’ebé Irman ida-idak halo mak hahalok domin no agradese nian. Iha kalan mak kulme ba intensaun loron tomak nian. Iha oportunidade ne’e Novisa sira aprezenta sira nia drama badak no knananuk nu’udar sinal gratidaun nian ba sira nia Asistente. No ikus husi fuan ne’ebé nakonu ho gratidaun Ir Ana Manuela espresa ninia gratidaun ba Irmã no novisia ida-idak ba moris hamutuk, ba buat hotu ne’ebé fahe ba malu nu’udar bin-alin no moris iha espiritu familia nian iha Komunidade Saun Jose durante hela hamutuk.
Hanesan Madre Mazzarello dehan liuhusi Orasaun no iha Jezús nia Futar Fuan mak ita sei hasoru malu, obrigada barak Irmán Ana Manuela,” boa viagem e boa missão” iha Komunidade Angela Valese Bondo Kodi-Sumba.
(Noemia de Deus)
