Venilale – Iha 13-05-2020, iha Komunidade Maria Auxiliadora ho ksolok booot selebra Madre Mazzarello nia festa, nune’e durante orasaun Irmán sira lori símbolu 3:
- Janela Valponasca: Madre Mazzarello nia esperiensia interior ho Jesus, iha ne’ebé nia kontempla Jesus nia prezensa real ho domin no fiar, hodi lori mos ema seluk hakbesik ba Jesus.
- Colégio: “ Ha’u entrega sira ba ó” mak lian ne’ebé kontinua bolu ita, atu hanoin ita nia destinatariu sira.
- Poço: esperiensia edukativa Madre Mazzarello no irmán dahuluk sira mak fonte ne’ebé kontinua inspira ita iha misaun ohin loron.
Madre Mazzarello nia esperiensia iha Mornese halo nia book an ho livre hodi la’o ba diresaun santidade nian hodi tau Jesus nu’udar ninia be matan moris nian.
Iha momentu ne’ebé ita se selebra 150 anos fundasaun Institutu nian, ita entrega ba Maria ita nia fidelidade ba Na’i liu husi Madre Mazzarello nia intersesaun.
Ami nia misa sei selebra hamuntuk ho omunidade Mardre Mazzarello Venilale iha tuku 11.00 dader.
Obrigada no boas festa Madre Mazzarello nian ba ita hotu no mos ba komunidade sira ne’ebé foti naran Madre Mazzarello nu’udar mahein ba komunidade.
Cesarina Correia, FMA
