Quelicai, loron 15 fulan Marsu tinan 2025, Movimento Juvenil Saleziano (MJS) halibur hamutuk hodi hala’o enkontro intensivu conjunto hodi re-estrutura membru konsellu MJS nian no halo eleisaun ba Presidente MJS foun ba periodo tinan 2025-2027. Partisipante sira iha enkontro refere hamutuk nain 64 . Enkontro ne’e hahu ho formasaun ida ho tema; Identidade MJS no se mak MJS? Nebe diriji husi Padre João Boavida sdb. Pregador hateten: MJS laos movimento ida nebe exclusivu maibe inclusivu katak nakloke ba ema hotu ka movimento mundial, no MJS ninia objetivu mak eduka foinsa’e sira atu sai sarani diak no sidadaun onesto. MJS hanesan chapeu ida iha ne’ebe inklui pilar prinsipal rua mak: Centro Juvenil no Oratorio hodi moris tuir estilu sistema preventivu. Remata tiha sesaun interessante ne’e, kontinua kedas ho eleisaun ba kandita foun sira. Ikus liu resultadu final ba eleisaun nian:
- Presidente MJS ba periodo 2025-2027 mak Mariano Rendy
- Vise- Presidente mak Canisio
- Sekretaria mak susana
- Tesoreira mak Almerinda
Candidatos foun sira agradese ba assembleia hotu ne’ebe fo ona konfiansa ba sira atu lidera ka sai joven apostolu ba joven.
Sr. Agostinha Magno
