Hahu loron 16 to’o loron 20 fulan marsu tinan 2025, irman FMA sira hamutuk ho foinsa’e sira iha komunidade Divina Providencia ho laran haksolok simu madre Provincial- TIN, madre Evangelina da Costa Xavier FMA iha ami nia leet. Ami nia ksolok Bemvinda nian espresa liu husi dansa kultura no kanta Bemvinda nian. Iha madre nia vizita loron dahuluk hahu kedas enkontru komunidade. Komunidade mak peregrino esperansa nian, ita sai sinal domin Maromak nian iha Timor, husi Maria ita sai esperansa ba foinsa’e sira, atu foinsa’e sira sai protagonista, atu sira sai buras iha abilidade rona no konese ita nia espiritualidade Salesiana ita mos moris iha Jubileu esperansa nian, passo sira hanesan Maria nian ne’ebe lori esperansa ba Isabel no lori futuru ba mundo, esperansa hamosu pasiensia mak fuan dahuluk esperansa nian, hansean Don Bosco dehan: jovem sira tenke sente katak ita hadomi sira no loke odamatan fuan nian ba ema hotu-hotu. Madre Mazzarello dehan, fundamento esperansa nian mak Jesus ita tenke halakan nafatin ahi oan esperansa nian no ida-idak buka hakasa an atu halo konversaun ba nia moris no sai bin alin ba malu. Madre mos hatutan tan katak: Bolu atu Halakan fali ahi Espiritu Missionario nian, Igreja peregrina maka missionario tuir nia natureza rasik. Natureza misionario mak komplemento ba liafuan no obra sira Nai Jesus nian ne’ebe sei akompanha nafatin viajen povu Maromak nian. Misaun, ohin loron tenke hala’o laos deit “hasoru” povu sira ad gente, maibe intergente. No FMA ida-idak mak sai katikista ida, lao hamtuk ho foinsa’e sira no lori sira ba Kristo, presisa kreda sai ba periferia no sai misionario iha moris lor-loron nian, aten brani no fiar iha Maromak nia sei akompana ita no fo hotu buat ne’ebe hau bele.
Iha okaziaun ida ne’e, Madre Provincial hasoru mos ADMA no Foinsa’e Larista sira madre dehan: husi video badak ida ne’ebe hatudu no fo hanoin ba sira kona ba sai laran luak ho ema seluk, bainhira ita laran luak ba ema seluk ne’e laran luak ne rasik sei fila fali ba ita. Laran diak no laran luak ne’e bainhira ita moris mai Maromak fo ona ba ita, nune’e buka tulun maluk sira ne’ebe besik ba ita, maski hatudu deit hamnasa midar mos ba ema seluk ne’e folin liu ona. Atu halo diak ba ema la bele hein ema atu selu fali maibe Maromak sei fo fali buat ne’eb diak liu.
Momento ikus Vizita nian, nu’udar familia ida taka momento importante ne’e ho Missa Solenidade S.Jose nia ne’ebe Diriji husi Padre Acasio SDB. Padre sublinha katak; Saun. Jose mak figura silensiozu ida, bainhira Nain feto ho Saun.Jose buka Jesus ne’ebe lakon Saun.Jose nonok deit la koalia buat ida. No mos lao husi Jerusalem ba Nazare Saun Jose nonok lori no akompana Nain feto no Jesus, Saun.Jose mak mahein ba maksoin ema hotu nian. Padre mos dehan festa ne’e espesial tanba prezensa madre Provincial nian iha ita nia leet, Ita husu atu nia sai mahein ba ita ida-idak. Ita reza no agradese ba madre provincial atu kontinua akompna irman no foinsa’e ida-idak no sai inan ba ita hotu. Atu liu husi madre ita bele komprende Maromak nia deseju no vontade ba ita. Madre nia mensajen ikus dehan: Agradese ba irman ida-idak no mos ba foinsa’e sira nia prezensa no agradese ba hamnasa midar no ho imi nia prezensa sai ami nia esperansa.
Sr. Teresa Correia,FMA
