Enkuantu hein hela data Kanonizasaun Irmán Maria Troncatti (1883-1969), Filha de Maria Auxiliadora misionária iha Ekuadór, ne’ebé Papa Francisco fó sai iha loron 25 Novembru 2024, husi Santa Sé, Institutu FMA disponibiliza Logo ofisiál ho imajen Beata nian, akompaña husi slogan “Madre, Missionaria, Dame no Rekonsiliasaun”.
Kanonizasaun sei sai oportunidade atu introdús Irmán Maria ba sira ne’ebé la koñese nia no la koñese vida konsagrada. Hanesan Santa ida-idak, figura Irmán Maria Troncatti nian mós iha aspetu oioin ne’ebé imposivel atu destaka hotu. Ita sei foka ba balu de it, hodi propoin sira ba kontestu ohin nian no ba Kreda. Sei sai importante atu hatudu iha ninia ezemplu modelu moris konsagrada nian ne’ebé inkarna iha realidade, sentradu iha Jezús nia Fuan, kapasidade atu sai feto ida rekonsiliasaun no dame nian, atu defende direitus umanus, atu valoriza umanu no divinu iha ema.
Presiza haburas liutan dimensaun sosiál, ekleziál, saleziana Irmán Maria nia misaun nian, maibé mós dimensaun místika no kontemplativa ne’ebé inkarna iha mundu ohin-loron nian. Irmán Maria mak ezemplu oinsá bele halo balansu entre serbisu no orasaun; nia bele tau matan ba ema tomak nu’udar samaritana di’ak, maibé iha nia moris nia sentru iha prezensa Eucarística ne’ebé fó ba nia forsa atu ultrapasa frajilidade no limite sira ne’ebé nu’udar típiku ba umanidade. Nia mós iha taʼuk, maibé obediénsia ajuda nia manán susar oioin. Nia hatene fó moris iha forma oioin. Nia maka “fuan ida ne’ebé lori fuan sira seluk nia todan”.
Iha kontestu tékniku atuál, Irmán Maria mak estímulu ida atu tau matan no defende moris, hahú husi moris mai, atu privilejia ezisténsia dimensaun umana nian, atu hadomi hanesan no ho forsa ne’ebé mai husi Jezús nia Futar Fuan, liuliu umanidade ne’ebé kanek. Liuhusi ninia misaun nu’udar enfermeira, nia sai ezemplu kura nian, umanidade nian, feto dame nian no rekonsiliasaun nian. Ho dinamizmu no pasiénsia, nia haburas relasaun pasífika sira entre Shuar no kolonizadór sira, iha konflitu maka’as entre sira.
Irmán Maria mak feto unifikada iha Maromak nia domin: karidade empreendedora no intelijente, domin eroiku iha moris loroloron nian, kolen-laek iha fó no tau matan. Artezanatu rekonsiliasaun no dame nian. Misionária corajosa iha nia moris tomak. Ninia moris maka ida ne’ebé sentradu iha Maromak ne’ebé hamorin ho profumo Maromak nia laran-di’ak nian.
Nia moris tiha ona espiritualidade ida ne’ebe simples no diskreta, maibé klean no moris ho eroizmu natural iha moris konkretu loroloron nian. Nia fó ona ba Jesus. Nia ladun iha serteza iha nia an rasik no iha nia kompetensia sira. Iha simplisidade no haraik-an ita-nia orijen nian, emerje mós irmán Maria Troncatti nu’udar modelu ida atu hateke, tuir ezortasaun Papa Francisco nian, iha final Kapítulu Jerál XXIV: “Keta haluha sai kiik (atu dehan haraik-an) ne’ebe nu’udar ita nia orijen”. Na’i Maromak mak hamosu iha Madre Mazzarello no Irmán Troncatti nia moris.
Reflesaun sira-ne’e realiza iha hilin símbolu sira-nian ne’ebé rezume unifikasaun interiór Irmán Maria nian: mala enfermeira nian ne’ebé unidu ho rozáriu, espresaun ida kona-ba buat ne’ebé baibain nia uza atu dehan: «Ha’u fó ai-moruk ba imi, maibé ida ne’ebé kura imi mak Maria Auxiliadora».
Irmán Maria nia oin, hamnasa no akollidu – foti husi reprodusaun ne’ebé halo husi Eng. Carlos David Pacurucu Regalado, ba Inspetoria Sagrado Coração (ECU) – taka iha forma sirkulár osan-mean ne’ebé kontein nia naran, interompe ho slogan no símbolu rua, mala no rozáriu, espresaun ninia programa moris no santidade nian.
Logo ne’e mós disponivel iha variante gráfiku kór ida de’it, iha kór azul-leve.
Disponivel iha formatu oioin no iha lian oioin, bele uza ba uzu sira ne’ebé relasiona ho eventu Kanonizasaun nian no atu habelar no halo ema konhese – panfletu sira, poster sira, kadernu sira no livru ki’ik sira, imajen sira no orasaun sira, imprime iha kamizola sira no kamizola sira, pasta kiik sira no sasán sira seluk ne’ebé fa’an – hodi kuidadu atu labele altera forma, kór sira no dezeñu sira.
Ba mudansa ruma, favór refere ba ambitu Komunikasaun Institutu nian, haruka email ida ba enderesu amministratoreweb@cgfma.org
( se hakarak atu download ninia logo bele asesu iha link)
https://drive.google.com/drive/folders/1n99weO-nWwmEJMvdrlp4_soGtw3FAj0W
Fonte: Cgfmanet.org
