NOTIFIKASAUN
Iha Kuarta-feira, 4 Juñu 2025, ofisio ba Selebrasaun Litúrjika Supremu Pontífise nian fó sai notifikasaun tuirmai kona-ba Konsistóriu Públiku Ordináriu ba Votasaun ba Kauza Kanonizasaun nian balun:
Iha loron-sesta, 13 Juñu 2025, tuku 9.00 dadeer, iha Salaun Konsistóriu Palásiu Apostóliku Vatikanu nian, Santu Padre Leão XIV sei prezide selebrasaun Oras tersa nian no Konsistóriu Públiku Ordináriu ba Kanonizasaun Beata/o balun, inklui mos irman Maria Troncatti, relijioza Kongregasaun Filha de Maria Auxiliadora nian.
Konsistóriu Públiku Ordináriu ida-ne’e mak hala’o dahuluk husi Pontifikadu Amu-Papa Leão XIV. Serimónia ida-ne’e determina etapa finál prosesu kanonizasaun nian iha-ne’ebé Amu-Papa konfirma Kardeál sira-nia opiniaun no marka data iha-ne’ebé beatu sira ne’e sei proklama nu’udar santu.
Beato sira seluk ne’ebé sei kanoniza mak hanesan:
- Ignacio Choukrallah Maloyan, Arsebispu Katóliku Arméniu Mardin nian, mártir;
- Pedro To Rot, leigu no katekista, mártir;
- Vincenza Maria Poloni, fundadora Institutu Irmán sira Mizerikórdia nian Verona nian;
- Maria del Monte Carmelo Rendiles Martínez, fundadora Kongregasaun Atan sira Jezús nian;
-
Maria Troncatti, Madre husi Kongregasaun Filhas de Maria Auxiliadora (FMA)
- José Gregorio Hernández Cisneros, leigu;
- Pier Giorgio Frassati, fiar-na’in leigu Terseira Orden Saun Domingos nian;
- Bartolo Longo, leigu fiel.
Kanonizasaun Ir Maria Troncatti nian, nu’udar Filhas de Maria Auxiliadora, sai sinal ida agradesimentu nian ba Maromak no ksolok boot ba Família Saleziana tomak, nune’e mós sinál esperansa nian ba ninia sasin forte trasmete ho moris no fiar ba jerasaun foun sira no ba povu rai-na’in sira.
Ita akompanha ho ita nia orasaun.
