Inspetoria realiza formasaun ba irmán juniora sira hamutuk nain 16 ho prezensa direta no via online iha Sentru João Paulo II, Comoro. Formasaun ne’e hato’o husi Me. Provinsial Ir. Evangelina Xavier, FMA iha loron dahuluk kona ba ´´importansia ba moris interior iha vida konsagrada nu’udar saleziana´´. Formasaun loron daruak kona ba oinsá uza intelijensia artifisial ne’ebé hato’o husi kordenadora ambitu komunikasaun sosial, Ir. Ina Sarmento, FMA.
Formasaun hahu ho Orasaun no Lectio Divina kona-ba passajen evanjellu ´´Lori ró ba tasi klean no soe imi nia rede´´ , hafoin kontinua ho kondivizaun grupo ho maneira dinámika enkontru nian iha oras ne’ebé deside atu hasoru malu entre ema nain rua hodi fahe reflesaun no realidade konkretu ne’ebé hasoru iha moris no misaun. Formasaun loron dahuluk nian remata ho adorasaun Santíssimo. Formasaun loron daruak kontinua iha Komunidade São João Bosco, Balide, depois de orasaun hahu nian, ekipa Komunikasaun sosial anima ho jogu passa informasaun non-verbal atu enfatiza kona ba detallu kiik sira prosesu komunikasaun nian. Formasaun kona-ba uzu intelijensia artifisial sai oportunidade furak ida atu hafanun fila-fali konsiensia identidade FMA nian, nu’udar edukadora no evanjelizadora iha espasu mundu dijital nian.
Ami agradese wain ba Me. Provinsial, Ir. Evangelina, FMA nu’udar inan no gia, ne’ebé preokupa nafatin ba ami nia kresimentu espiritual no karismatika, liuhusi formasaun regular kada fulan tolu no sai mós okaziaun furak ba irmán sira atu fahe fafurak moris no misaun nian, hodi hametin liután espiritu familia iha Inspetoria. Obrigada wain.
Fontes: Irman juniores FMA
