Palla/Sumba (Indonesia) – Durante Adventu nia laran iha momentu espesial atu prepara an hodi Selebra Jezús Nia Moris katak Kristu ne’ebé Maromak Oan mai hola isin nu’udar ema no hatudu moris kiak. Nu’udar preparasaun nian ba Natal, tinan ida ne’e sai signifikadu liu tanba ne’e iha inisiativa oioin ne’ebé akontese. Iha Dioseze Weetebula espesial liutan iha Dekenat Waikabubak nian organiza retiru hamutuk Padre, irman sira, frater no Bruder sira iha komunidade FMA – Palla iha retiru ne’e ko’alia konaba “Adventu”no kontinua ho konfesaun, hafoin halo plano hamutuk ba tinan 2016.
RETIRO HAMUTUK ORATORIANO NO SEKAMI – PALLA
Hodi prepara an ba festa Natal nian Irman sira organiza retiru ba labarik oratorianu no SEKAMI sira hamutuk husi stasi 4 (Palla, Kiko Boku, Lingolango, weerabuka no Weepewa) iha retiru ne’e Pe. Andre Delimarta, SDB, Novicio no Postulante sira mak prega hodi ko’lia konaba “mehi/impian”katak ema idaidak iha mehi ne’ebé furak. Labarik no foinsa’e sira ho entusiasmu boot hodi sharing sira nia mehi sira maibe iha mos ninia desafiu sira tanba dalabarak familia labele suporta sira tanba limite iha parte ekonomia.
OBRIGADA BARAK ME. ALMA
Ho vizita breve deit maibe nakonu ho signifikadu liu, liuhusi Madre nia presenza fo esperansa no ksolok mai ami (irman, labarik no foinsa’e)hodi prepara an didiak ba selebra festa boot Natal nian. Tempu hanesan entrega Sertifikadu ba foinsa’e sira ne’ebe tuir kursus Komputer nian, maske la asesu barak ba meios komunikasaun sira maibe liuhusi kursus ne’e bele tulun sira ba sira ninia futuru no sira hotu haksolok no agradese tebes.
(Áurea Marçal)
