Liturjia iha Domingu ikus Kuarezma nian konvida ita atu kontempla Maromak ne’ebé, tanba domin, tun mai hasoru ita, partilla ita-nia umanidade, halo An sai atan ba ema sira, husik ema oho Nia atu manán egoízmu no salan. Krús aprezenta mai ita lisaun boot liu, ain-hakat ikus vida foun nian ne’ebé iha Jezús, Maromak propoin mai ita: doasaun moris tanba domin.
Evanjellu konvida ita atu kontempla paixaun no mate Jezús nian: momentu aas liu moris ida nian ne’ebé saran nu’udar don no servisu, atu liberta ema sira husi buat hotu ne’ebé hamosu egoízmu no moris atan. Iha krús hatudu sai Maromak nia domin, domin ne’ebé la rai buat ida ba an rasik, maibé sai don totál.
