Kongresu Dahuluk Antigas/os Alunas/os Ázia

Sampran (Thailandia) – Husi loron 2 to’o 5 Maiu, Irmán Maria Luisa Miranda, konselleira jerál ba Família Salezian, irmán Maritza Ortiz, delegada Antigas/os Alunas/os nivel konfederasaun mundiál, Paola Staiano, prezidente konfederasaun nian,  no Maria Maghini, tezoreira konfederasaun nian,  organiza no partisipa iha Kongresu Antigas Alunas FMA, nivel Ázia, iha uma “Ban Than Phraphorn” Sampran, iha ne’ebé halibur mali delegada no grupu antigas/os alunas/os husi  Japaun, Kambodia, Filippinas,, Hong Kong, India-Bangalore, India-Shillong, Vietnam, Korea, Timor Leste no Thailandia; hamutuk partisipante na’in 103. Tema kongresu nian mak: “Kongresu Dahuluk Antigas/Antigos alunos/as sira FMA  Ázia nian”; nia objetivu mak harii rede entre asosiasaun rejionál sira nu’udar mebru Famílai Saleziana nian, ho konxiénsia katak ida-ne’e mak movimentu boot ida ema sira nian ne’ebé hakarak halo di’ak ba foin-sa’e sira-nia salvasaun liuhusi família, kultura ambiente nian, edukasaun, defeza no interese ba promosaun labarik no feto nian. Aprofondimentu sira ne’e hetan kontribuisaun husi irmán Maria Luisa no irmán Maritza, ne’ebé fok identidade Família Saleziana no Antiga/o aluna/o FMA nian.

Partisipante sira hetan konvite atu konsidera fali orijen Asosiasaun nian iha Torino, atu fila fali oratóriu dahuluk, ba bee-matan no ba motivasaun sira instituisaun asosiasaun nian. Prezidente mundiál, Paola Staiano nia partilla ho konteúdu formativu mósa sai okaziaun di’ak liu atu komprende di’ak liután misaun antiga/o aluna/o nian, ne’ebé esprime iha lema/logo: “Liman iha mundu, abuu tiha fuan “, nu’udar indikasaun hakaran/aspirasaun no finalidade: promove ema no sosiedade nia moris.

Durante Kongresu mai proposta husi koordenadora aziátika no membru konsellu konfederasaun nian, doutora Boonsom Namsonboon, ne’ebé fó hanoin kona-ba importánsia koñese situasaun no dezafiu sira konestu nasaun sira Ázia nian, atu bele, hamutuk, hetan solusaun oportuna no signifikativa sira.
Durante partilla mosu buat di’ak sira ne’ebé antiga/o aluna/o sira halo iha nivel oioin.
Diversidade nasaun nian, relijiaun nian, lia no kutura, la sai impedimentu ida atu moris hamutuk maibé favorese espontaneidade atu manifesta kriatividade kulturál oioin. Sinerjia entre fraternidade no orasaun intensifika domin, komprensaun no komuñaun: sinál signifikativu liu espiritualidade nian ne’ebé Família Saleziana moris.

Husi Timor-Leste bá antiga aluna na’in rua: Saturnian no Fátima, hamutuk ho delegada FMA, irmán Ermelinda Gomes.