[blockquote style=”1″]«Domin mak motor ne’ebé halo ita-nia esperansa la’o ba oin», Papa Francisco hateten. No hatutan tan: « Krús mak pasajen nesesária, maibé la’ós finalidade: finalida mak glória, hanesan Páskua hatudu mai ita».[/blockquote]
RV – Iha mundu nia lójika ida, ne’ebé dalabrak horik iha ita-nia fuan: foti husi eventu no ema sira lukru másimu iha termu podér nian, osan nian, vizibilidade nian. No iha lójika ne’ebé Maromak nia Oan-Mane sujere: fini ne’ebé fó moris, lori fuan, se nia para iha rai okos no “mate”. Maibé atensaun, atu halo selebrasaun terus nian ne’ebé laloos no la evanjeliku: «Krús mak pasajen nesesária, maibé la’ós finalidade: finalidade mak glória, hanesan Páskua hatudu mai ita».
Papa Francisco, durante ninia audiénisa jerál kuarta, 12 Abríl temi «ilas furak liu ida», ne’ebé Jezús husik ba ninia eskolante sira durante Han-Kalan Ikus, hetan iha Evanjellu S. João nian: «Feto bainhira tur ahi, nia terus, tanba nia oras to’o ona, baiba, bainhira nia tur ahi ona kosok-oan, nia la hanoin tan ona terus, tanba ksolok lori mane iha ba mundu».
«Ne’e duni: fó moris, la’ós posui nia, no ida-ne’e mak inan sira halo», Papa Bergoglio nota: «Sira ó moris seluk, terus maibé sira kontente no haksolok». «Domin fó ksolok, domin tur aho moris no fó mós sentidu ba terus», Amu-Papa kontinua: «Domin mak motor ne’ebé halo ita-nia esperansa la’o ba oin», nia tenik dala rua. Hafoin konvite seluk la hakerek iha testu: «Ita ida-idak husu ba an rasik: Ha’u hadomi? Ha’u aprende atu hadomi? Ha’u aprende lorlron atu hadomi liután? Iha loron hirak ne’e – loron domin nian – ita husik Jez’us nia mistériu hakohak ita, hanesan fini musan, hodi mate haraik moris mai ita. Nia mak fini ita-nia esperansa nian. Ita kontempla Kristu hedi iha Krús, bee-matan esperansa nian. Neineik-neineik ira komprende katak hein iha Jezús katak aprende haree husi oras ne’e kedas ai-hun fini nian, Páskua iha krús, moris iha mate ».
Hafoin, “trabalho de casa” ida: “Ba hotu-hotu sei halo di’ak mai ita atu para iha Krusifiksu nia oin, imi hotu iha ida iha uma. Hateke ba nia no dehan: ‘Ho ó buat ida la lakon. Ho ó ha’u bele hein nafatin. Ó mak ha’u-nia esperansa”. “Oras-ne’e ita imajina Krusifiksu no ita hotu dehan hamutuk ba Jezús krusifikadu, bad ala tolu: Ó mak ha’u-nia esperansa”, konvite ida ne’ebé sarani rihun 10 hotu simu no halo tuir.
