Dili – Escola Maria Auxiliadora Comoro hetan oportunidade ba partisipa iha konpetisaun dansa tradisionál ne’ebe realiza husi “Rádio e Televisão” Timor Leste /RTTL no selebra aniversáriu ba da-15 ezisténsia RTTL nian. Iha biban ne’e RTTL konvida eskola Maria Auxiliadora no eskola sira seluk iha Dili laran, hodi tuir kompetisaun oioin hanesan: tau koor ba dezeñu, poezia, no dansa tradisionál Timor nian.
Atu la lakon oportunidade ne’e eskola Maria Auxiliadora delega grupu ki’ik ida ba partisipa iha eventu ne’e. Kompetisaun kona ba poezia no tau kór ba dezeñu, eskola ninia delegada sira, ema ida la manán tanba laiha esperiénsia barak kona-ba le’e poezia. Maibé eskola Maria Auxiliadora hetan segundu lugar iha dansa tradisonál ne’ebe kompete ho Eskola 15 ne’ebé partisipa. Estudante sira ne’ebe manán sente haksolok liu tanba bele lori eskola nia naran hetan fatin daruak no tempu hanesan hamorin mós eskola nia naran.
Nune’e iha loron 13/09/017 husi RTTL lori sira nia prezente hodi entrega ba estudante sira ne’ebe manán iha Gym EBC Maria Auxiliadora.
(Aida belita Moises)
