Laga – Ho sentidu agradesimentu ami komunidade Beata Laura Vicuña Laga, haksolok hakrak agradese Na’I
i ba buat hotu-hotu; tanba loron hirak ne’e husi loron 30 Maiu to’o 5 junu hetan vizita kanonika husi Madre Provinsiál Alma Castagna ba tinan 2019 nian. Ami sente bensán no grasa tan fiar katak liuhusi superior sira nia vizita lori Maromak nia prezensa. Iha oportunidade ne’e ho vizita Madre nian, loke mós sentru oratorio “Beato Alberto Marvelli” iha Binagua nu’udar asaun konkretu komunidade nian ba santo ne’ebé komunidade hakle’an.
Nune’e mós iha durante vizita la’ós hasoru deit irmán sira, maibe Madre fo tempu mós hasoru malu ho grupu balun familia salesiana nian hanesan; ADMA, Salesianu Cooperadores, Komunidade Edukativa, animadores, oratoriano no menina sira interna.
Loron ikus hamutuk ami agradese ba eventu hirak ne’e, liuhusi santa Missa agradesimentu nian iha loron 5 maiu dadeer no kalan taka ho teatru husi irman no labarik sira. Teatru kona ba “Mehi ida furak” aprezenta santo santa sira nia moris.
Lia-menon ikus Madre Provinsiál nian , “dalan santidade mak dansa no hananu tuir ritmu Maromak nian. Maromak iha ona planu ba imi ida-idak buka atu deskobre nia”.
(Alice Filipe Gama)
