Dili – Iha komunidade Beata Eusebia Palomino no Eskola Maria Auxiliadora nia naran, ami hakarak hato’o ami nia agradesimentu ba Madre Franciscana iha Me. Angela ninia naran, ba prezensa voluntaria menina Franziska Dorothea Walcher ne’ebé hela ho ami durante fulan 6 nia laran. Ninia esperiénsia no nia prezensa sai tulun boot ida ba eskola, no mos ba komunidade.”Obrigada Franzis.
Durante nia hela iha komunidade ninia aktividade knar sira mak henesan, hanorin no ajuda iha Pre- escolar, iha dader, no iha loraik responsavel iha Biblioteka, no Domingo hola parte mos nu’udar animadora iha Oratoriu. Durante ninia hela iha komunidade nia moris hanesan relijioza ida, maski ninia relijiaun seluk, nia ba Missa loro-loron, tuir iha momentu hotu komunidade nian, han aihan ne’ebé komunidade serve iha meza, la buka buat ruma espesial, servisu hamutuk ho komunidade, ajuda iha fatin ne’ebé prezisa, maski ho tinan nurak liu, maibé aprezenta an hala’o no hala’o ninia responbilidade sira exatamente, laran-luak responsavel no kreativa.
Obrigada Franziska ba ita ninia dedikasaun hanesan voluntaria, ami reza ba ita-nia estudus sira, liuliu atu hahú estuda iha Universidade atu loron ida se mak hatene bele fila fali mai rai Timor Lorosa’e. Ohin dia 9 de Agosto Franziska hala’o nia viajem ba nia rain doben Germania. Obrigada Franziska, haraik besaun nafatin ba nia, ba nia familia no ninia estudus sira.
(Kom. B. Eusebia Palomino)
