Laga – Iha loron 24 juñu 2021, hamutuk ho Kreda ami selebra Solenidade S. João Batista nia moris no iha tempu hanesan ami mós selebra festa agradesimentu komunidade nian.
Tema ba festa mak ne’e: “LOOS DUNI, NA’I HALO MAI AMI BUAT KMANEK TAN NEE AMI HAKSOIT HO KSOLOK NO GRATIDAUN”(Sal.126).
Ami-nia preparasaun ba festa ne’e hahú iha loron 15, loron novena nian ba Sagrado Coraçao hodi dada naran entre Madre no labarik sira atu agradese ba malu liu husi orasaun no hakerek virtude di’ak sira.
Iha loron 24 dadeer ami hahí no agradese ba Maromak liu husi Eukaristia Santa ne’ebé selebra husi Pe. Rui Gomes, SDB, iha ninia omilia nia hateten: agradesimentu mak espresaun ida fuan nian nebe akontese iha minutu hotu ita nia moris nian. Ohin ho modo espesial ita agradese ba madre Ligia nebe nudar animadora iha komunidade nee, ita reza atu Maromak haraik bensan 
ba knaar nee atu los duni tuir espíritu Don Bosco no Madre Mazzarello nian.
Depoizde Eukaristia partisipa falu espozisaun ne’ebé prepara labarik sira kona-ba kostura iha ne’ebé sira rasik suku durante tempu laiha eskola.
Iha lokraik Irm’an sira hamutuk ho labarik sira espresa sira nia sentidu agradesimentu liuhusi sira-nia dansa, kanta, no oferese ba malu virtude di’ak tuir naran n;ebeé dada no taka ho rozáriu espesiál dedika ba diretora komunidade, Ir Lígia.
(Komunidade Laga)
