Dili – Komunidade “Filhas de Maria Auxiliadora” (FMA) hotu iha Timor-Indonesia (TIN) hamutuk ho Madre Jerál, Me Yvonne Reungoat iha festa Gratidaun Mundiál 2017, ne’ebé hala’o iha loron 26 Abríl, iha rai Cotonou-Benin (Áfrika).
Komunidade sira hahú harohan ba Madre Jerál husi fulan Marsu 25/26 to’o loron tutun, 26 Abríl. Maibé iha mós komunidade balun ne’ebé halo tríduu orasaun espesiál hodi hatudu sentimentu gratidaun ba ema ne’ebé sai “tali komuñaun no sentru unidade nian iha Institutu” (Konst.116).
La’ós fasil gia, ukun no anima Institutu ida iha tempu ohin nian, ne’ebé nakonu ho mudansa no mós dezafiu wain ba ita-nia moris nu’udar FMA. Prinsípiu ne’ebé inspira ninia servisu autoridade mak “fidelidade ba liman-rohan espirituál salezianu no atensaun ba Kreda nia urjénsia sira” (Konst.116), atu Institutu bele to’o ba buat ne’ebé sai razaun ba ninia ezisténsia.
Oras-ne’e Madre Jerál husi 21 Abríl kedas to’o 10 Maiu hela iha Áfrika ba vizita iha Inspetoria Africa Ovest “Madre di Dio” (AFO) no konserteza ba selebrasaun Mundiál festa Agradesimentu nian.
Komunidade Eusebia Palomino hato’o ninia mensajen espesiál ne’ebé hanesan tuirmai ne’e:
“Ami komunidade Beata Eusebia Palomino hamutuk ho komunidade edukativa no estudant sirahotu, hato’o ami agradesimentu nian ba Me. Yvonne nudar animadora ba filhas de Maria Auxiliadora iha mundo tomak.Nudar oan, ohin iha loron espesial ida ne’e, ami ho ksolok boot hakarak hato’o ami nia agradesimentu ba madre nia domin , nia akonpañamentu liu-liu nu’udar inan ba tali komuñaun nia nebe unifika ami ho espiritu MM no DB nian no Karisma salesiana.
Ami hamutuk ho professor/a tralhador, estudante sira hanoin I madre no reza ba madre iha espesial ida ne’e. Agradese wain ba madre nia fo- an tomak hodi servi instituto Filhas de Maria aAuxiliadora.
Boas festa husi komunidade Beata Eusebia Palomino”.
(Redasaun-Grinalda da Costa)
