Iha animasaun Institutu no Provínsia sira nian, iha ámbitu 6 ne’ebé servisu nu’udar ekipe atu lori ba oin Institutu nia vizaun no misaun. Ámbitu sira-ne’e mak:
- Pastorál Juveníl: anima no promove misaun espesífika FMA sira-nian ba foin-sa’e sira hanesan realidade MJS (movimentu juveníl salezianu) no oratóriu, eskola, formasaun profisionál, no inisiativa seluk.
- Formasaun: anima no promove formasaun permanente no inisiál, iha fidelidade ba karizma no ezijénsia espesífika ita-nia kontestu nian.
- Misaun Ad Gentes: anima no promove espíritu misionáriu iha FMA sira no ba labarik sira liuhusi grupu Infánsia Misionária.
- Família Saleziana: anima no promove tali komuñaun entre grupu sira Família saleziana nian no grupu seluk hanesan asosiasaun no movimentu liuliu atu promove direitu sira feto, labarik no família nian no defende vida.
- Komunikasaun Sosiál: anima no promove kultura komunikasaun ba formasaun no komuñaun liuhusi meiu sira disponivel ohin loron. Ekipe tau matan ba revista TATOLI no WEBSITE FMA TIN nian.
- Adminstrasaun: jere rekursu ekonómiku no soin sira Provínsia nian. Ámbitu tau atensaun partikulár atu haburas mentalidade ne’ebé promove solidariedade no dezenvolvimentu iha espíritu komuñaun soin nian.