Iha prasa Saun Pedro, molok atu hahu orasaun mariana, Papa Leão XIV konvita atu ukun nain sira bele iha dialogu ba Paz iha Mynmar, no fo hanoin mos kona vitima ba violensia iha Nijeria, amo paroko ida ne’ebe mate tan bombardamentu iha sudan, Papa husu ba kombatenti sira atu para, atu bele proteje ema sivil no bele loke dalan ba dialogu ida paz nian., no ba komunidade internasional sira atu fornese asistensia ne’ebe esensial ba populasaun sira ne’ebe hasoru krisi boot umanitaria nian.
Mundu ohin loron presiza tebes dalan atu harii dame hanesan desportu, “eskola ida respeitu no lealdade nian, ne’ebé hasa’e kultura enkontru no fratelansa nian”. Estilu moris ida ne’ebé pratika ho konxiénsia, “kontra violénsia no opresaun hotu-hotu”. Nune’e Papa Leão XIV molok orasaun Angelus, ne’ebe reza iha Prasa Saun Pedro nia oin ho sarani rihun ba rihun ne’ebé halibur malu, maski tempu bailoron ne’ebe manas tebes. No nia fo hanoin hikas konflitu armadu barak iha mundu,
Iha Myanmar, maski ahi hamenus ona, kombate sira kontinua, hamosu mós estragu sira ba infraestrutura sivil sira. Ha’u konvida parte hotu-hotu atu foti dalan diálogu inkluzivu, úniku ne’ebé bele lori ba solusaun pasífika no estável.
Amu-Papa mos ko’alia kona-ba masakre teribel ne’ebé maka hamate ema na’in 200 resin, sira mate “ho krueldade maka’as” iha Nijéria, entre dia 13 no 14 juñu kalan, iha sidade Yelwata, iha área governu lokál Gouma, iha estadu Benue. Maioria parte, maka ema dezlokadu internu sira, ne’ebé maka simu hosi misaun Katólika lokál.
Papa hateten katak “Ha’u reza atu seguransa, justisa, no dame sei prevalese iha Nijéria, nasaun doben ida ne’ebé afetadu tebes ho forma oioin violénsia nian. No ha’u reza liuliu ba komunidade sarani rurál sira iha Estadu Benue ne’ebé maka sai bebeik ona vítima ba violénsia”.
Hafoin de atake ema nain sanulu resin maka lakon, no atus resin mak hetan kanek no laiha kura médiku adekuadu. “Família barak taka metin iha sira-nia kuartu laran no sunu to’o mate.Mate-isin barak maka sunu to’o la rekoñese”, tenik husi Amnistia Internasionál. Enkuantu seidauk deklara klaru ba polísia Estadu Benue nian sé maka responsavel ba oho sira, atake sira hanesan ne’e akontese beibeik iha rejiaun norte Nijéria nian, iha ne’ebé bibi-atan sira no agrikultór lokál sira dalabarak diskuti malu tanba asesu limitadu ba rai no bee.
Iha Sudan padre pároku ida mate: apelu ba asisténsia umanitária
Papa Leão XIV depois hanoin kona-ba Repúblika Sudan, “tinan rua ona ne’ebe destroi tanba violénsia”. No hosi mate Padre Luke Jumu, padre pároku El Fasher nian, vítima hosi bombardeamentu ida.
Enkuantu ha’u garante ha’u nia orasaun, no ba vítima sira hotu, ha’u hafoun apelu ba kombatente sira atu para, proteje ema sivíl sira no envolve iha diálogu ba dame. Ha’u husu ba komunidade internasionál atu intensifika esforsu sira hodi fornese pelumenus asisténsia esensiál ba populasaun, ne’ebé afetadu maka’as hosi krize umanitária ne’ebé grave. Mai ita kontinua reza ba dame iha Médiu Oriente, iha Ukránia no iha mundu tomak.
Ikus Papa konvida foinsa’e sira hodi dehan: “Ha’u hein atu hasoru imi fulan ida ho balun tan iha Jubileu foin-sa’e sira-nian! Atu Virjen Maria, Liurai-Feto Dame nian, intersede mai ita”.
fonte: Vatican News
