Sarani rihun atus ida ba partisipa Amu-Papa nia Regina Coeli dahuluk nu’udar bispu Roma nian. Koinside ho Domingu Bibi-Atan Di’ak nian: konvite mak atu reza liuliu ba sira ne’ebé bolu ba vida saserdotál no relijioza no katak ita bele haree ba «modelu kredível sira dedikasaun laran-luak nian ba Maromak no ba maun-alin sira». Nia lansa filafali ezortasaun husi ninia antesesór Francisco iha mensajen ba Loron ohin nian: simu no akompaña jerasaun foun sira. Depois agradese ba banda muzikál sira ne’ebé selebra hela sira nia Jubileu.
Papa hateten katak Kristu mak guia Kreda. Ne’e mak Domingu Bibi-Atan Di’ak nian, ida iha-ne’ebé liturjia haklaken nafatin Evanjellu João nian iha kapítulu 10, iha-ne’ebé Jezús, «revela an nu’udar Bibi-Atan loloos, ne’ebé koñese no hadomi nia bibi sira no saran nia moris ba sira». Koinsidénsia ida, katak bele hahú ninia servisu nu’udar bispu Roma nian presizamente iha aniversáriu ida-ne’e, ne’ebé Pontífise simu ho laran-haksolok nu’udar prezente ida. Loron Mundiál Orasaun ba Vokasaun sira, ne’ebé selebra ohin, sai razaun ida atu haksolok no reza liután. Hanesan nia halo iha omilia Missa nian ho kardeál sira, loron tuir mai nia eleisaun, matan-been ne’ebé Amu-Papa refere ba Kristu.
Amo Papa sublinha katak Igreja presiza tebes joven sira! No importante atu joven mane no feto sira hetan, iha ita-nia komunidade sira, aseitasaun, rona, enkorajamentu iha sira-nia viajen vokasionál, no atu sira bele konta ho modelu kredível sira dedikasaun laran-luak nian ba Maromak no ba sira-nia maun-alin sira. Hodi halo referementu ba Papa Francisco nia mensajen ne’ebé foka ba simu no akompaña foin-sa’e sira. No ida-ne’e mak espíritu unidade nian ne’ebé Pontífise foin eleitu hasa’e invokasaun ba Maromak ba loron ida-ne’e. Saida maka mosu la’ós atensaun ba númeru sira, maibé hakarak atu Na’i nia to’os-uvas hetan animasaun hosi dixípulu auténtiku sira, nune’e hodi invoka:
“Mai ita husu ba Aman lalehan atu ita sai ba malu, ida-idak tuir nia knar rasik, bibi-atan “tuir nia fuan”, kapasidade atu tulun malu atu la’o iha domin no lia-loos. No ba foin-sa’e sira ha’u dehan: “Keta ta’uk!Simu Kreda no Kristu nia konvite!”. Atu Virjen Maria, ne’ebé nia moris tomak nu’udar resposta ba Na’i nia bolun, akompaña nafatin ita hodi tuir Jezús.
https://www.vatican.va/content/leo-xiv/it/angelus/2025/documents/20250511-regina-caeli.html
