RV – Papa Francisco hahú filafali, iha kuarta, 3 Agostu, katekeze tradisionál sira ho sarani sira, ne’ebé suspende tiha durante fulan Jullu ba períodu deskansu nian.
Download
Iha reflesaun loron ne’e nian, Papa Francisco hanoin hikas ninia viajen foin daudaun iha Polônia ba okaziaun Jornada Mundiál 2016, iha “festa ida kor sira nian, mozaiku ida fraternidade nian”, hanesan nia radik deifne: “Ha’u la hatene oinsá mak sira halo: ko’alia lian oioin, maibé konsege komprend emalu! No tanba sá? Tanba sira iha vontade atu la’o hamutuk, atu halo ponte sira, atu halo fraternidade nian!”, Amu-Papa destaka.
Papa Francisco la bá de’it ba JMJ. Nia vizita fatin signifikativu sira ba Polônia, hanesan Santuário Czestochowa, povu polinés nia Inan. “Ho ninia hateken, ita bele komprende sentidu espirituál povu ne’e nia dalan, ne’ebé nia istória liga ho modu haketak-laek ba Kristu nia Krús”.
Momentu markante seluk viajen nian mak vizita ba kampu konsentrasan nazista antigu sira Auschwitz no Birkenau nian, iha-ne’ebé Papa Francisco hili atu horik iha silénsiu, lahó diskursu nune’e mós lahó mensajen sira.
“Silénsiu boot vizita nian ba Auschwitz-Birkenau ko’alia maka’as liufali liafuan ida. Iha silénsiu ne’e, ha;u rona klamar hotu ne’ebé liu ih ne’ebá sira-nia prezensa; ha’u sente kompaixaun, Maormak nia mizerikórdia, ne’ebé klamar santa balun hatene lori iha nakukun ida-ne’ebá. Iha silénsiu boot ne’e ha’u harohan ba vítima sira hotu voilénsia no funu nian. No iha-ne’bá, iha fatin ne’eb’a, ha’u komprende liután valór memória nian, la’ós de’it nu’udar rekordasaun eventu uluk sira-nian, maibé nu’udar adverténsia no responsabilidade ba ohin no aban, atu fini ódiu no violénsia nian la natubu no tau abut iha rai istória nian”.
Amu-Papa remata nia katekeze hodi agradese hotu-hotu ne’ebé halo viajen ne’e sai posivel, ho modu espesiál prezidente Polónia nian, arsebispu Krakwów nian no jornalista sira.
