Baucau – Aprezentasaun kona-ba Planu Komunikasaun Institutu FMA nian no Manuál Komunikasaun Viziva ne’ebé hala’o iha 5 Juñu iha Baucau mak aprezentasaun daruak husi Ir Jacinta Gusmão ba grupu FMA perpétua sira.
Uluknanai ita ba fali abut karizmátiku edukomunikasaun Fundadór sira-nian: Don Bosco no Madre Mazzarello. Don Bosco mak komunikadór “boot no exelente”. Ninia kompeténsia komunikativa esprime iha ninia kapasidade boot atu kria rede kolaborasaun nian ho foin-sa’e sira, atu estabelese relasaun interpesoál ho sira, haree iha ida-idak pontu asesivel ba di’ak, “tali ne’ebé fekit”. Don Bosco uza espresaun no arte (teatru, pozia, múzika…), área ida edukomunikasaun nian nu’udar eskola ida atu haburas talentu, haburas fraternidade, sidadania, solidariedade. Buat hotu atu komunika Evanjellu Ksolok nian.
Madre Mazzarello ninia estilu komunikativu ita haree liuliu iha ninia surat sira hakerek ba destinatáriu oioin. Irmán sira fahe ba grupu sanulu ho Madre Mazzarello nia surat ida buka atu identifika karakterístika komunikasaun Madre Mazzarello nian. Nia iha estilu simples, kona ema nia moris loroloron iha ninia konkretude, uza espresaun espontánea, familiár, hatudu interese la’ós de’it ba ninia interlocutor/a maibé mós ba ninia família. Madre Mazzarello mak feto ida komuñaun nian: ninia komunikasaun lori atu ema partisipa iha Institutu nia moris iha parte sira mundu nian, iha misaun no komuñaun ho Irmán matebian sira. Besik ka dook nia hatudu katak la iha obstákulu ida ba komunikasaun, basá bele nafatin hasoru malu iha “Jezús nia fuan”.
Hateke ba ita-nia Fundadór sira ita haree katak sira kria ekosistema ida esukomunikasaun nian no ida-ne’e mak liman-rohan ida husik mai ita: pedagojia ambiente nian, sevisu iha rede ba foin-sa’e sira nia edukasaun integrál.
Buat seluk ne’ebé husu atu Irmán sira reflete mak oinsá FMA sira hala’o edukomunikasaun iha kultura dijitál, iha ambiente alargada social network nian. Tuir Irmán sira, ita tama iha rede atu eduka-komunika-evanjeliza. Importante liu atu ita konxiente nafatin katak ita mak Institutu no buat ne’ebé ita komunika, ita “post” iha social presiza reflete ita-nia identidade karizmátika.
Planu komunikasaun institutsionál FMA nian trasa objetivu atu fó vizibilidade ba Karizma Salezianu, atu la’o ho foin-sa’e sira, atu hahoris moris no kultura no atu moris iha loron-ohin /kontemporaniedade (kategoria ne’ebé uza iha preparasaun ba Kapítulu Jerál 24) no indika dimensaun lima atu tau atensaun: animasaun, informasun, formasaun, produsaun no jestaun.
Ir Jacinta Gusmão husik hela “TPC” ida atu halo. Tanba ita sei iha semana Loron Mundiál Komunikasaun Ssosiál LIII, nia husu atu lee Papa Francisco nia Mensajen ba eventu ne’e no prepara aprezentasaun kriativa ida (ppt/video).
