Dili, 06/05/2022 –Serimonia Apresentação de Síntese do Sínodo Episcoporum (2021-2023) e entrega resultado final consulta Sínodo Bispo sira nian iha Nivel Conferência Episcopal ba Presidente CET iha Salão Oka Rudal Hudi-Laran. Partesipantes iha Assembleia ne’e: Bispo sira, Nailulik sira, Religiosos/as sira, Nai-ulun sira husi estado no Governo, Civil no Militar, Confessões Religiosas sarani sira husi Dioseze tolu: Dioseze Maliana, Dioseze Baucau no Archidiocese Dili.
Kona ba processo sínodo nian, Uma-Kreda Timor-Leste la’o tuir lala’ok ne’ebé hekerek ona iha Documento Preparatorio (Comunhão, Participação no Missão) no Vademecum. Hafoin simu tiha dokumento rua ne’e, Conferência Episcopal Timorense (CET), organiza equipa nacional ida, nebé composto husi representante Diocese tolu nian hodi coordena processo consulta kona ba sínodo bispo sira nian. Processo consulta hala’o durante fulan lima, hahú husi fulan Outubro 2021 to’o fulan Março 2022 la’o ona to’o rohan. Resultado husi consulta nebé hahú husi nível bairo to’o ba diocese ou arquidiocese, hodi engloba individuo, grupo categoriais, religiosos/as, clero no Bispo sira husi Diocese tolu ho sira nia paroquia hamutuk 72 (hitu nuele resin rua). Diocese ida-idak hala’o tiha Assembleia Diocesana molok entrega sintese ba equipa nível Conferência Episcopal Timorense (CET).
Husi resultado consulta sínodo nian nebé halibur husi Diocese tolu: Arquidiocese Dili, Baucau no Maliana, hatudu katak sarani sira iha vontade boot atu colabora ho missão Uma-Kreda nian iha Timor Leste. Tamba ne’e ohin oficialmente Kreda Timor Leste organiza evento ida ohin ho Celebrasaun Eukaristia atu fo agradece Maromak ba Ninia domin no Espirito hodi guia ema ida-idak nune’e processo sínodo ne’e bele realiza ho diak no bele hotu ho susessu. Iha Eukaristia ne’e Arcebispo Metropolitano Dili, Dom Virgilio do Carmo da Silva, SDB mak nu’udar celebrante. Depois de Celebrasaun Eukaristia iha Katedral Nossa Senhora Imaculada Conceição-Dili, kontinua fali ho Cerimonia Apresentação de Síntese do Sínodo Episcoporum (2021-2023) e entrega resultado final consulta Sínodo Bispo sira nian iha Nivel Conferência Episcopal ba Presidente CET iha Salão Oka Rudal Hudi-Laran.
Iha Cerimonia ne’e prezente mos Presidente Eleito Dr. Ramos Horta, Senhor Lere Anan Timor ho nia esposa no representate husi Confessões Religiosas (Musulmano no Protestante). Cerimonia hahu ho Orasaun abertura husi Pe. Manuel Lelo Talok, CMF, hafoin kontinua kedas ho diskurso husi Arcebispo Metropolitano Dili, Dom Virgilio do Carmo da Silva, SDB. Hafoin kontinua fali ho asina Ata de Entrega husi Dom Norberto do Amaral, Bispo de Maliana e presidente da CET, Dom Virgilio do Carmo da Silva, SDB, Arcebispo Metropolitano Dili e Pro-Presidente da CET no Pe. Alipio Pinto Gusmão, Administrador Diocesana de Baucau. Nudar sasin mak Monsignore Marco Sprizzi, representante husi Vaticano no Presidente Eleito Dr. Ramos Horta. Asina hotu tiha kontinua fali ho diskursu badak husi Monsignore Marco Sprizzi ne’ebé hodi Amo Papa Fransisco nia naran hakarak hato’o parabens ba Kreda Timor Leste ne’ebé hatan ba Amo Papa nia konvite hodi bele realiza Synodo ida ne’e no ohin bele entrega nia rezultadu final. Servisu ne’e diak tebes, maibe laos atu hakerek deit iha livro, maibe tenke implementa. Kreda Timor leste tenke halo dalan Konversaun nian no husu atu “Lao hamutuk”. Lao hamutuk ne’e bele hare concretamente iha partecipaçao ativa Uma kreda Timor leste iha area hotu. No ikus liu Monsignore Marco atu Kreda lao mos ho Governo Timor Leste atu bele servisu hamutuk ba povu nia diak.
Depois de Discurso husi Monsignore Marco, kontinua ho aprezentasaun ba sintese husi resultado consulta sínodo nian nebé halibur husi Diocese tolu. Hafoin bolu representante nain tolu husi dioseze tolu ho foinsae ida atu hatoo sira nia apresiasaun ba dokumento ne’e. Sira hotu simu positivamente no agradese tebes ba servisu nebe kreda halo, liu liu tamba sira nia lian Kreda rona duni. Sira husu atu depois de servisu sira ne’e hotu Kreda bele servisu no la’o hamutuk ho ema hotu, laos padre ho madre sira mak deside buat hotu hafoin mak mai hato’o deit. Ho ida ne’e taka ona cerimonia entrega resultado final no cerimonia taka hodi han meudia hamutuk.
(Suzana Alves FMA)
