Liturjia ohin nian aprezenta ilas kazamentu nian nu’udar ilas ne’ebé esprime ho forma privilejiada relasaun domin ne’ebé Maromak (espozu) estabelese ho ninia Povu (espoza). Nune’e kestaun fundamentál mak revelasaun kona-ba Maromak nia domin.
Leitura dahuluk define Maromak nia domin nu’udar domin ne’ebé la naksobu no rohan-laek, hafoun nafatin relasaun no nakfilak nia espoza, maski nia iha sala oioin karik bá iha tempu uluk. Maromak nia ksolok mak domin ida-ne’e.
Evanjellu aprezenta, iha kontestu kazamentu ida nian, “sinál” ida ne’ebé hatudu buat esensiál kona-ba Jezús nia “programa”: aprezenta ba ema sira Aman ne’ebé hadomi sira, no ho nia domin bolu ema sira ba ksolok.
