Tema liturjia domingu ne’e nian
konvida atu reflete kona-ba “profeta nia dalan”: dalan ida terus nian, solidaun nian, risku nian, maibé mós dalan dame no esperansa nian, basá ida-ne’e mak dalan ida Maromak hela bá. Liturjia ohin nian asegura profeta katak Maromak mak soi liafuan ikus: “keta ta’uk, basá ha’u hamutuk ho ó atu salva ó”.
Leitura dahuluk aprezenta figura profeta Jeremias nian. Jahwéh hili, konsagra no halo nia sai profeta, no Jeremias hasoru tipu oioin difikuldade nian; biar nune’e nia la deziste atu konkretiza ninia misaun no halo Maromak nia Liafuan sai realidade moris nian iha ema sira leet.
Evanjellu aprezenta mai ita profeta Jezús, ne’ebé abitante/makhorik Nazaré nian despreza nia (sira hein Mesias espetakulár no sira la lomprende Jezús nia proposta profétika). Epizódiu haktuir judeu sira-nia rejeisaun no anúnsiu Liafoun Di’ak nian ba sira ne’ebé dispostu atu simu nia – jentiu ka judeu.
