Liturjia ohin nian ko’alia dala ida tan kona-ba Maromak ida ne’ebé hadomi no ninia domin sadik ita atu hakat liu ita-nia eskravidaun sira hodi to’o ba moris foun, ba moris-hi’as. Leitura dahuluk aprezenta mai ita Maromak libertadór, ne’ebé akompaña nia Povu ba liberdade. “Dalan” ne’e mak paradigma libertasaun nian ne’ebé Maromak konvida ita atu halo iha tempu Kuarezma nian no lori ita ba “Rai Promesa” nian iha ne’ebé bele hetan moris foun.
Leitura daruak mak dezafiu ida atu liberta an husi “foer” ne’ebé impede deskoberta kona-ba buat ne’ebé fundamentál: komuñaun ho Kristu, identifikasaun ho Kristu, prinsípiu moris-hi’as nian.
Evanjellu dehan mai ita katak, tuir Maromak nia perspetiva, la’ós kastigu no intoleránsia mak rezolve problema salan no aat nian: domin no laran-sadia mak hamosu moris ho modu ativu no hamoris ema foun. Ida-ne’e mak lójika Maromak nian, ne’ebé ita simu konvite atu asume iha ita-nia relasaun ho maun-alin sira.
