Tema fundamentál liturjia domingu n’e nian mak domin: buat ne’ebé identifika Jezús nia eskolante sira mak kapasidade atu hadomi to’o don totál moris nian.
Iha Evanjellu, Jezús despede ho nia eskolante sira no husik ba sira testamentu ida “ukun-fuan foun” nian: “imi hadomi malu, hanesan Ha’u hadomi imi”. Iha entrega radikál moris nian ida-ne’e mak kumpre vokasaun sarani no fó sasin ba mundu kona-ba Maromak nia domin maternu no paternu.
Iha leitura daruak aprezenta komunidade sarani nia moris ne’ebé simu bolun atu moris iha domin. Iha difikuldade no krize nia laran, iha komunidade fraterna mak maun-alin sira hadomi malu, habiit malu, hadomi malu no fó sasin kona-ba Maromak nia domin. Ida-ne’e mak projetu ne’ebé dudu Paulo no Barnabé no proposta ida-ne’e mak sira lori, ho laran-luak, to’o iha rai-ikun Ázia Menór nian.
Leitura daruak aprezenta mai ita meta finál ita-nia dalan nian: lalehan foun no rai foun, realizasaun utopia/mehi nian, komunidade nia oin loloos ne’ebé simu bolun atu moris iha domin.
