Liturjia ohin nian sujere mai ita katak Maromak konta ho ita atu intervein iha mundu, atu transforma no salva mundu; no konvida ita atu hatán ba bolun ne’e ho disponibilidade no radikalidade, iha don totál ita-nia an rasik nian ba ezijénsia sira “Reinu” nian.
Leitura dahuluk aprezenta mai ita Maromak ne’ebé, atu atua iha mundu no iha istória, husu tulun ba ema sira; Eliseu (Elias nia eskolante) mak ema ne’ebé rona Maromak nia bolun, haketak an ho modu radikál ho nia moris uluk nian no ho laran-luak bá hasoru projetu ne’ebé Maromak iha lahó fanatizmu no lahó mós fundamentalizmu, iha respeitu absolutu ba ema seluk nia opsaun sira.ba nia.
Evanjellu aprezenta “eskolante nia dalan” nu’udar dalan ida ezijénsia nian, radikalidade nian, saran an totál nian ba “Reinu”. Leitura sujere mós katak, presiza tuir “dalan” ne’e ho domin no saran-an, maibé lahó fanatizmu no lahó mós fundamentalizmu, iha respeitu absolutu ba ema seluk nia opsaun sira.
Leitura daruak fó hatene ba “eskolante” katak dalan domin nian, saran-an nian, don moris nian, mak dalan libertasaun nian. Hatán ba Kristu nia bolun, identifika an ho Nia no aseita atu saran an tan domin, mak hamosu moris foun liberdade nian.
Download
