Tema
Liturjia Domingu da-18 Tempu Komún nian aprezenta mai ita konvite katak Maromak halo ita atu tuur iha meza ne’ebé Nia rasik prepara, no iha-ne’ebé Nia oferese ho modu gratuitu aihan ne’ebé halakon ita-nia hamlaha ba moris, ba ksolok, ba eternidade.
Iha leitura dahuluk, Maromak konvida Ninia Povu atu husik rai moris-atan nian no bá rai liberdade nian – Jerusalém foun justisa nian, domin nian no dame nian. Iha-ne’ebá, Maromak sei halakon ba nafatin Povu nia hamlaha no haraik ba nia ho modu gratuitamente moris naresin, ksolok rohan-laek.
Evanjellu aprezenta Jezús mai ita, Moisés foun, ho misaun libertasaun nian ba ninia Povu. Iha kontestu refeisaun ida nian, Jezús hatudu ba ninia dixípulu sira katak presiza simu paun ne’ebé Maromak oferese no fahe nia ho ema hotu. Ho forma ne’e mak membru sira komunidade Reinu nian halai husi moris-atan egoízmu nian no hetan liberdade domin nian.
Leitura daruak mak knananuk ida ba Maromak nia domin ba ema sira. Iha domin ne’e mak esplika tansá Maromak haruka nia Oan mai mundu, atu konvida ita ba festa moris rohan-laek nian. Domingu da-18 Tempu Komún nian aprezenta mai ita konvite katak Maromak halo ita atu tuur iha meza ne’ebé Nia rasik prepara, no iha-ne’ebé Nia oferese ho modu gratuitu aihan ne’ebé halakon ita-nia hamlaha ba moris, ba ksolok, ba eternidade.
