Dili – Loron 14 Abríl 2018, iha loron tomak Irmán responsavel ekónoma kada komunidade sira hamutuk nain 10 mak partisipa enkontru ne’ebe hala’o iha Comoro hodi hare hamutuk livru ne’ebe ko’alia kona-ba “ Orientasaun ba Jestaun Bem Komun iha Instituto Filhas de Maria Auxiliadora”.
Molok atu hatene kle’an liután riku-soin Institutu nian iha livru ne’e nia laran Irmán sira sira haree fila ba enkontru uluk nian ne’ebé koalia kona-ba: INDMO nia nia serbisu ne’ebe iha ligasaun ho Formasaun Profisionál no Eskola Teéniku, Lei Trabalho, Saude seguransa ba trabalh, Totál númeru estrajeiru iha rai Timor. Irmán hotu fo sujestaun katak se iha oportunidade bele halo sesaun ida-idak ba Irmán sira atu la sai kole demais. Iha parte seluk mós apresia tebes tanba bele koñsese di’ak liu ita-nia lei ne’ebe vigora ona iha Timor Leste.
Iha tópiku tuir mai mak estuda no fahe hamutuk kona-ba Orientasaun Jestaun Bem Komun iha Institutu FMA ho sub tópiku sira mak hanesan tuirmai ne’e:
- Pobreza nu’udar garante Fidelidade no Fekundidade nian: Ideas jerais mak kiak iha fuan ho liman mamuk. Ninia atitude mak dependensia total ba Maromak .
- Pobreza nu’udar hilin ida mak Pobreza evanjelika ne’ebe hatudu fuan livre atu hadomi no serbi. Ninia attitude mak: hadomi no serbi.
- Pobreza pesoal no komunitaria: Insiste importansia moris radikal tuir tuir espirito Pobreza nian.
- Pobreza pesoal mak ema ida-idak hatan iha Maromak Nia oin ho buat ne’ebe nia uza.
- Pobreza komunitaria mak ema ida-idak tau hamututk nia sasan ou rikusoin, matenek, talenta ne’ebe iha hodi serbi komunidade no misaun. Atitude mak simu ita nia limitasaun ho seriedade hodi moris ho buat ne’ebe iha e agradese ba buat ne’ebe komunidade oferese no fo buat ne’ebe diak uluk liu ba ita nia Irmán sira ( Cf Const art 22)
- Pobreza nudar solidadaridade no fahe hamutuk riku soin ne’ebe iha. Komuñaun solidaridade mak hatudu Aman Maromak nia oin gratuito. Base importante mak imita Kristaun dahuluk sira nia ezemplu, ne’ebe fahe buat hotu ba malu. Atitude mak Spirito Familia e auto-delimitasaun no iha korespondensia iha ksolok.
Bainhira Irmán sira fahe dokumentu ne’e remata, kontinua kedas serbisu kontabilidade fulan 3 nia rezultadu no halo budjet ba tinan ida nian tuir komunindade ida-idak.
(Ines Bartolo Freitas)
