Sam Phran – Ohin, 25 Abríl, tuku 8.30, foin-sa’e sira hein Madre iha odamatan ohin: sira hatais no vestidu tradisional no hamutuk iha mós irmán ruma, tokadores viola tai nian taka “prosisaun” ida ne’e hodi dudu kareta ho tromba sira no band.
Kareta ida hanesan sira ne’ebé iha aeroporto internasionál, maibé ho dekorasaun furak tebes ho aifunan, hein Madre: hodi tuur nune’e, Madre bele tuir prosisaun foin-sa’e sira nian ne’ebé dansa to’o gym iha ne’ebé aluna sira no foin-sa’e sira seluk hein Madre.
Durante Festa ne’e foin-sa’e sira aprezenta dansa ruma (balun tradisionál, balun modernu, balun tuir don Bosco nia knananuk) no menina na’in tolu hato’o sira nia esperiénsia (deskulpa maibé sira ko’alia tai), entre sira, ida mak mata delek.
Madre fó aten-barani ba sira atu moris valór sira ne’ebé sira aprende iha eskola; husi esperiénsia ne’ebé menina sira hato’o, nia komprende katak dala ruma ladún fasil hahú buat ruma foun, maibé nia konvida sira atu hala’o buat hotu ho ksolok, hodi hanoin katak sira (hamutuk ho irmán no profesór sira) mak don Bosco no madre Mazzarello iha rai ne’e; ho sira-nia hahalok sira halo sira na’in rua moris fali iha Tailandia oras ne’e.
Madre remata ninia liafuan badak, hodi entrega sira ba Na’in Feto Auxiliadora no konvida sira atu konfia nafatin iha Inan ida ne’e, ne’ebé akompaña sira iha fatin hotu.
(Alma Castagna)
