Dili – Eskola Maria Auxiliadora Comoro-Dili hahu fali Ano lectivo 2021 nian, iha loron 18 janeiro estudante Maria Auxiliadora sira Io ciclo to’o IIIo ciclo tama uluk ona eskola, hafoin loron tuir mai Io ano sira tama fali no iha loron 20 pre-escolar sira hahu mós tama eskola.
Ohin loron 21 janeiru 2021, estudante sira husi dader no loraik nian ho ksolok fó BEMVINDA ba diretora Foun komunidade B. Eusebia Palomino, Me. Jacinta Gusmão, Sr. Ana Ivonia no Sr. Onesiana, hodi espresa sira nia ksolok no gratidaun ba sira nia presenza inan no edukadora nian liu husi Lia Fuan no hananu bemvinda.
Hafoin, madre Jacinta mós fó bondia ba sira hodi foti fali sira nia liafuan ne’ebé dehan; Madre nia prezensa mai ami mak prezensa Maria nian, inan nian no uniaun nian. Haktuir Madre; loos duni ami (Madre sira) nia prezensa mak Maria nian tan ami mak Filhas de Maria Auxiliadora, hanesan Maria ne’ebé sai mós inan ba imi. Hanesan iha ita nia uma iha mós familia, nune’e mós iha eskola, ita mak família ida: iha komunidade relijioza mak Madre sira, iha profesór/a sira, iha imi-nia inan-aman sira no imi alunu/a sira no ida-ne’e ita hanaran komunidade edukativa.
Hafoin haktuir mós istória kona ba koellu ho lenuk ne’ebé halo kompetisaun (halai taru) atu haree se mak manan nain, ikus mai koillu mak lakon tanba nia toba dukur tiha hodi hanoin katak lenuk sei la’o neineik, finalmente lenuk manan tanba nia haka’as-an la’o to’o objetivu. Istória ne’e nia mensajen hakarak dehan ba estudante sira katak iha tinan ida ne’e hotu-hotu haka’as-an atu estuda lor-loron, le’e no hakerek barak maske ladun hatene maibe wainhira ida-idak haka’as-an bele hetan rezultadu ne’ebé di’ak no bele pasa hotu importante labele toba iha: aula laran wainhira mestre sira esplika, hanorin no labele baruk estuda.
Misaun furak ne’ebé loron loron ami buka hala’o ho fiar no esperansa boot katak ho Maromak nia grasa no Maria Ausiliadora nia protesaun ita sei halo diak ita ida idak nia knar ho domin.
Obrigada barak!
(Sr. Onesiana)
