Eusebia sei ki’ik-oan dalabarak akompaña ninia aman, ne’ebé forsadu atu husu esmola tanba pobreza moris nian no tanba moras. Bainhira nia sai ona Irmán FMA nia haktuir ba ninia diretora epizódiu sira-ne’e ne’ebé, hafoin diretora ne’e, tanba ninia fafurak no simplisidade hakerek tiha atu labele lakon, nune;e oermiti atu it abele lee “Autobiografia” Irmán Eusebia nian. Pasajen ne’ebé hakerek tuirmai ne’e hatudu konfiansa boot iha Providénsia no iha Na’i-Feto. Eusebia ki’ik-oan la moe kona-ba ninia pobreza boot, maibé morish o ksolok tanba bele iha kontaktu ho natureza bainhira halo viajen naruk ho ain, no hatene simu ho gratidaun buat ne’ebé ema oferese no iha silénsiu nia halo diálogu ho ninia belun boot sira, Jezús no Maria.
“Iha dadeer ne’ebá mosu kalohan rai-hun mutin nian no ha’u hateten ba Virjen Santíssima: «Ha’u-nia Inan, keta husik udan tau tanba saku sai bokon no ha’u-nia bin-alin sira sei la iha buat ida atu han», ka ha’u dehan: «pelumenus ami to’o lai knua ne’ebé ami atu bá no bainhira ami hamahan an ona iha veranda ruma, ita hatún kalohan sira, atua mi-nia paun keta bokon.» No Na’i-Feto rona ha’u no bainhira ami to’o sidade ne’ebé ami tenke husu esmola no ami hela iha veranda ki’ik ida nia okos, udan maka’as tun. Mane ida ne’ebé liu dehan mai ha’u: “Foti osan ne’e, menina”. No ha’u haksolok tebes. Hafoin ha’u dehan ba Na’i-Feto: “Ha’u nia Inan, husik atu agora udan para, se lae amil abele husu esmola”. No udan para, hodi haraik klima furak. No ha’u dehan ba ha’u-nia aman: “Buat hotu ne’ebé ha’u husu ba Na’i-Feto, Nia haraik mai ha’u”. Ha’u-nia aman hatán: «Nia di’ak tebes no ita tenek agradese nia. Kontinua husu Nia atu proteje ita”.
____Garrido Bonaño M. (editor), Autobiografia, 17-18.
Eusebia sente Maria besik ba nia! Nia hatene katak Na’i-Feto mak Inan ida, no labele abandona ninia oan sira ne’ebé moris iha difikuldade sira. Nia fiar metin katak Maria rona no halo tuir ninia pedidu sira… basá nia la husu ba nia an rasik maibé atu hahán ne’ebé ema fó nu’udar esmola ba sira keta estraga no nia hakarak partilla h onia biin-alin sira no nia inan, bainhira to’o fali uma.
Ne’e duni, ne’e mak orasaun ida nakonu ho domin, partilla, konfiansa.
(JG)
