Iha loron dahuluk, liafuan abertura ba kandidatas sira husi hato’o husi Madre Provinsial Madre Evangelina da Costa Xavier katak: Tempu retiru mak tempu silensiu no tempu sagrada ba imi kandidata ida-idak atu haklean imi nia relasaun ho Maromak no tempu atu buka hatene no deskobre Maromak nia hakarak mai ita ida-idak. Tempu retiru mos mak tempu atu halo avaliasaun ba ha’u nia-an nu’udar kandidata ida ne’ebe hakarak tuir Jesus. Tempu atu deside no tempu atu hare, ida-idak nia frakeza sira no qualidade sira, atu hadia no haburas. Retiru hafoun objetivu nu’udar kandidata ida.
Reflesaun kada loron ne’ebe madre pregadora, madre Alma fahe ho ami candidatas sira atu reflete kada loron, husi salmo sira no santo/santa salesiana sira nia moris santidade nian.
Terca – feira, sesaun I. salmo: 121 knanunuk la’o rai nian.
Sessaun II, Madre Mazzarello nia moris.
Quqrta- Feira, sessaun I, salmo: 122 knananuk lao rai nian.
Sessaun II, Papa Francisco nia surat kona ba esperansa
Quinta-Feira, sessaun I, Salmo: 123 knananuk lao rai nian.
Sessaun II, Beata Maria Romero nia moris
Sexta-Feira, sessaun I, Salmo: 131 knananukn lao rai nian.
Sessaun II, Beata Rosetta Marchese nia moris.
Sabado, sessaun I, salmo: 133/134 knananuk lao rai nian.
Sessaun II, Beata Maria Troncatti nia moris.
Liu husi pregasaun sira ne’ebe Madre Alma fahe mai ami,durante semana ida nia laran,iha ami nia ezersisiu espiritual nian, tulun tebes ami candidatas ida-idak atu reflete no hanoin fila fali oinsa ami nia kaminhu vokasaun nian iha dalan formasaun nian ida nee. Hanesan salmo ne’ebe dehan kona ba oinsa peregrina hahu sai husi nia rai hodi haketak-an husi ninia ambiente, uma no familia. Hodi hili dalan foun no vizaun foun. Iha dalan foun ne’e nia hasoru difikuldades ne’ebe halo nia duvida ho nia hilin rasik, maibe ikus mai nia komprende katak ninia desizaun atu lao mak los, tamba Maromak ne’ebe bolu nia sei la husik nia lao mesak. Hanesan ami nia esperiensia wainhira hahu tama iha uma formasaun hodi husik ambiente, uma, familia no ema hirak ne’ebe hadomi, dalaruma iha ami nia dalan formasaun nian, hasoru mos difikuldades sira ne’ebe halo mosu duvida ho ami nia hilin rasik, maibe ikus mai ami mos komprende katak liu husi difikuldades sira ne’e hotu, halo ami sai maduru no forte liu tan, no halo mos ami rekonhese Maromak nia prezensa iha momentu hotu. Liu husi Santu/a Salesiana sira nia moris halo ami komprende katak, sira nia dalan ba Santidade nian laos halo buat ne’ebe boot maibe ho sira nia moris ne’ebe simples nakonu ho esperansa no ksolok, maske hasoru susar no terus oi-oin, sira simu ne’e hotu hodi tau esperansa iha deit Jesus, tamba Jesus mak sai hanesan kbiit no forsa hodi tahan sira too dalan Santidade nian. Obrigada wain ba Madre sira no Padre ne’ebè tulun ona ami iha ami nia dalan spiritual nian ida ne’e.
Aspirante Sara Salsinha no Joana da Costa
