Venilale, 21 Outubru 2019, dadersan hahú ho orasaun ne’ebé gia husi Madre Alma Castagna, hafoin mak loke ho lia fuan husi madre Konselleira Jerál Ámbitu Família Saleziana, Madre Maria Luisa Miranda ne’ebé aprezenta tópiku 2 ba Irmán sira mak hanesan:
- Aprezentasaun Jerál kona-ba Família Saleziana
- Aprezenta Asosiasaun sira Família Saleziana nia laran
Molok atu tama ba topiku dahuluk nian, hahú uluk ho filmajen badak kona Don Bosco nia misaun iha Valdoco hamutuk ho foin-s’ae sira ho mama Margarida nia prezensa iha família laran.
Objetivu husi filmajen ne’e hatudu Don Bosco nia misaun dahuluk liga ho família, molok hari kongregasaun Saleziana.
Don Bosco hahú nia obra hodi husu aprovasaun ba :
- Sosiedade Saun Francisco de Sales
- Instituto Filhas de Maria Auxiliadora (FMA)
- Kooperador Salezianu
Hari Kooperador Salezianu ho objetivu katak sira nee sei hatutan Don Bosco nia obra liu husi sira nia serbisu iha mundu. Knaar leigu nian labele tau hamutuk ho moris konsagradu/a nian.
Nia subliña kona-ba ninia idea ne’e mak hahú ho família ida hodi kolabora espiritualidade hanesan hodi serbisu ba misaun ida. Ita nia kongregasaun hahú ho família ho Espíritu Família ne’ebé ne’ebé hetan fundamentu metin iha kristu.
Tuir mai aprezenta Kapítulu hodi haree fila fali ba pontus 3 ne’ebé dehan:
- Haluan Hateken
- Konversaun Pastorál
- Enkontru
Objetivu husi buat hotu nee mak presiza kria estilu animasaun ne’ebé envolve no promove komuñaun, hamuutk ho Maria orienta ba animasaun ida ne’ebé serbi , akompaña , envolve no fo moris.
Iha parte seluk madre mos fahe kona-ba estrutura iha Família Saleziana nia laran.
Uluk nanain hahú ho :
- Antiga/u aluna/o FMA
Delegada mak FMA ida ho knar mak sai nudar ponte no garante fidelidade ba karizma dinamizmu buras ba oin e adapta ba tempu e atensaun ba Formasaun.
- Asosiasaun Koperador Salezianu
Ninia objetivu mak moris sarani forte, Maromak bolu hodi moris tuir estilu Salezianu, presiza akompañamentu seriu no formasaun kontinua.
- ADMA ( Asosiasaun Maria tulun nain)
Konserva valór moris família nian no solidaridade, hametin aspetu Mornese nian.
ADMA hari tan motive 3 tuir Don Bosco nia hanoin:
- Hari Basilika Maria Auxiliadora
- ADMA (Atu habelar devosaun ba Maria Auxiliadora mak kria grupu ADMA nee).
- FMA ( Monumentu moris Agradesimentu nian ba Nain Feto)
Asosiasaun sira presiza haburas liu-liu
- Orasaun
- Formasaun
- Asaun
Ikus mai madre taka ho liafuan ne’ebé dehan: “ obra sira se laiha sentidu bainhira la moris tuir Karizma, tanba ita Família Saleziana laos NGO ka Serbisu Sosiál”.
Irmán sira ne’ebé partisipaa hamutuk 27.
(Ines Bartolo Freitas)
