Dili – Ksolok boot ba Loron Madre Mazzarello nian ne’ebe ami selebra iha loron 13 Maiu, hamutuk ho familia boot Salesiana mak hanesan: Formande sira (Aspriante Postulante), Alunas Cursu, Antigus alunos, familia, no mos Irma Canosiana sira hela besik ami.
Iha loron nee ami hotu sente kontente tanba nudar Madre Mazzarello nian oan sira hakarak halo festa ba inan doben nee hodi prepara Eukaristia solenemente ne’ebe preside husi Padre Provinsial interino, Padre Apolinario Neto, Sdb.
Padre Apolinario nia mensajen sira iha ninia omilia sira mak nee:
Madre Mazzarello mak Santa ida husi familia Salesiana. Nia mak co fundaora ba Kongregasaun FMA. Nia moris iha rai Mornese. Nia ema simples, haraik an, ksolok no mos domin boot ba Jesus. Maromak iha ninia planu prepara Madre Mazzarello atu tulun foinsae feto sira hanesan buat ne’ebe Don Bosco halo ho mane sira. Maromak nia planu atu tulun ema atu deskobre Espirito santo nia serbisu iha fundador/a sira mak lori esperansa foun.
