19-marsu-2025 Dili- Timor-Leste ; Jose Mai husi desendente husi liñajen David nian too Jacob (Mt 1,16) no Eli (Lc 3,23), José hela iha Nazaré, iha Galileia, serbisu nu’udar karpinteiru. Liuhusi anju ida nia aparisaun, ne’ebé iha mehi ida revela ba nia maternidade divina Maria nian, nu’udar nia kaben, nia simu knaar ne’e atu sai Aman hakiak ba oan-mane ne’ebé kous husi obra Espíritu Santu nian.
Karateristika ne’ebè bele hetan iha Saun Jose;
- Aman doben liu: Nia tau matan ba Sagrada Família ne’ebé Maromak entrega ba nia. atan providente ida hodi tau matan ba Maria no Labarik ne’ebé nia lori iha nia knotak.
- Aman ternura nian: José hanorin Jezús atu la’o, hodi kaer nia liman, Iha José, Jezús haree nu’udar ema fiar-na’in ne’ebé hatene hateke ba moris ho esperansa.
- Aman obediénsia nian. Maromak nia planu revela ba José liu husi mehi, no ninia resposta sempre prontu: iha momentu Anunsiasaun Na’i nian, bainhira Herodes hakarak oho Labarik oan sira, to’o Herodes nia mate.
- Aman akolhensa nian: José aprezenta an nu’udar mane ida ne’ebé respeitu, delikadu, kapaz atu tau Maria nia dignidade no moris aas liu buat hotu, Nia komprende katak moris revela to’o pontu ida ne’ebé ema ida simu Maromak nia planu, katak ema ida rekonsilia an ho Maromak nia planu.
- Aman ba korajen kriativa: Bainhira hasoru difikuldade sira, Giuseppe sempre hatudu nia kapasidade sira ne’ebé ema la espera. Liu husi nia Maromak tau matan ba inísiu istória salvasaun nian.
- Aman serbisu nain: Serbisu, komprende nu’udar partisipasaun iha serbisu Maromak rasik nian, mak buat ne’ebé José hala’o iha nia moris no buat ne’ebé nia hanorin ba nia Oan-Mane Jezús.
- Aman ne’ebe fo mahon: Sai aman signifika introdús Oan ba esperiénsia moris nian, ba realidade. Maibe laos atu tahan nia, la prijiona sira, la posui sira, maibé halo sira sai kapaz ba hilin sira, ba liberdade ne’ebe responsabel.
Boas festa no parabens komunidade Saun Jose novisiadu Comoro, ne’ebe hili Saun Jose nu’udar padroeiru komunidade nian.
