Phnom Penh/Cambodia – Loron 9 Novembru 2017 mak loron signifikativu ida ba FMA (Filhas de Maria Auxiliadora) hotu iha Cambodia. Loron agradesimentu ba Na’i ba kmanek sira nia halo iha “rai furak” ne’e, iha tinan 25 nia laran
Komunidade edukativa hamutuk ho autoridade Igreja no Governu nian, benfeitór sira, FMA sira husi rai besik Tailándia, Laos, Vietnam, Japão, Timor-Leste, Idonesia no Hong Kong halibur hamultuk ho FMA iha Cambodia atu selebra loron ksolok ida-ne’e. Ir Runita Borja, Konselleira Pastroál Juveníl, iha vizita animasaun ba Inspetoria marka prezensa iha selebrasaun komemorasaun nian ida-ne’e.
Eventu ne’e festeja ho Missa soelen no bispu sira país nian prezente mak: mons. Olivier Schmitthaeusler, MEP, Vigáriu apostóliku Phnom Penh nian, mons. Enrique Figaredo, Prefeitu Apostóliku Battambang nian no mons. Antonysami Susairaj, Prefeitu Apostóliku Kompong-Cham nian. Iha omilia mons. Schmitthaeusler fó hanoin etapa prinsipál sira tinan 25 
Irmán sira nia servisu no impaktu pozitivu sira-nia apostoladu nian.
FMA nia prezensa hahú iha 1992 ba aten-barani misionária dahuluk sira Ir Lakana Yawasang (Tailándia), Ir Mary Aayila (Índia), Ir Maria Helena Estacio (Philippines) no Ir Teresita Garcia (Colombia). Oras ne’e FMA sira hala’o hela Don Bosco nia mehi ba Cambodia.Iha komunidade 3 oras-ne’e: Teuk Thla, Tuol Kork, Battambang no prezensa foun iha Phum Chreh. Iha vokasaun lokál nu’udar sinál moris no esperansa nian no ba futuru prezensa saleziana iha Cambodia. Husi orijen simples karizma sai buras atu lori esperansa no ksolok liuhusi FMA ida-idak nia moris ne’ebé kontinua mehi nafatin, atu koko no atua ho domin ne’ebé tau-matan.
Husi Timor-Leste no Indonesia prezente Ir Alma Castagna (Inspetora) no Ir Luisa Fernandes (Jakarta) ne’ebe uluk hala’o servisu iha Cambodia.
